«Prajektam ruch transpartu ŭ zimovy i pavodkavy pieryjady nie praduhledžvaŭsia». Pad Čerykavam važnaja daroha pieratvaryłasia ŭ kašu
Pieršapačatkovy prajekt adzinaj darohi, jakaja źviazvaje Čerykaŭ ź vioskami za rakoj Sož, naohuł nie praduhledžvaŭ viasnovaj pavodki, zimy i bujnych mašyn. Paśla płany pamianialisia, a prajekt — nie, piša «Mahiloŭ.Media».
Raspačaty jašče ŭ minułym hodzie ramont mosta praz Sož u Čerykaŭskim rajonie abrastaje novymi prablemami. Pieršapačatkova prajekt budaŭnictva praduhledžvaŭ, što ŭsiu zimu žychary horada i rajona buduć i biez mosta, i biez pantonnaj pierapravy. Pry hetym dziaciej ź vioski Hronaŭ na levym bierazie Soža płanavałasia vazić na vučobu praz radyjeaktyŭna zabrudžanuju zonu ŭ viosku Majskaje za 25 kiłamietraŭ.
U listapadzie minułaha hoda było ŭsio ž vyrašana pabudavać pantonnuju pierapravu jašče da zimy. Ale, jak vyśvietliłasia, «pieršapačatkova prajektam ruch transpartu pa hetym abjekcie ŭ zimovy i pavodkavy pieryjady nie praduhledžvaŭsia», pra što paviedamiŭ rajonnaj haziecie «Vieśnik Čerykaŭščyny» načalnik budaŭničaha tresta №3 Kryčava Dzianis Šatucha. I, jak vynikaje, hety prajekt nie byŭ źmienieny paśla taho, jak było pryniata rašeńnie budavać pantonny most usio ž da zimy.
U vyniku častka darohi da pantona — hravijka, jakaja ŭ čas viesnavoha biezdarožža pieryjadyčna pieratvarajecca ŭ kašu.
Taksama pieršapačatkova płanavałasia, što pa darozie budzie chadzić tolki lehkavy aŭtamabilny transpart. Zychodziačy z hetaha, była zaprajektavana peŭnaja kanstrukcyja darožnaha «adzieńnia», kaža Dzianis Šatucha. Ciapier ža daroha naturalnym čynam nie vytrymlivaje toj nahruzki, jakaja na jaje prypadaje.
Čamu budaŭničaj arhanizacyjaj byŭ realizavany prajekt, jaki nie ŭličvaŭ źmien u režymie ekspłuatacyi pantonnaj pierapravy, čynoŭnik nie patłumačyŭ.
U jakaści kampiensacyjnaj miery na tym učastku darohi, jaki nie maje ćviordaha pakryćcia, ciapier kožny dzień pracuje hrejdar. Častkova heta dapamahaje vyrašyć prablemu, častkova — nie, aŭtatranspart pastajanna ryzykuje zahruznuć u kalainie. Na heta načalnik tresta zaŭvažaje: «Pryjdziecca trochi paciarpieć».
Zrabić bolš tryvałuju darohu budaŭniki zmohuć tolki paśla poŭnaha padsychańnia prablemnaha ŭčastka.
U Minsku dźvie dziaŭčynki ŭhruźli pa pojas u hraź
Na rekanstrukcyju zakryvajuć most u Čerykavie
Žychary Kukšavič vyśmiejali pradprymalnika, jaki napisaŭ zvarot Łukašenku pra darohu. Pradprymalnik: «Ziemlaki zajzdrosnyja»
«Tut prosta strašna». Žychar vioski pad Minskam u zvarocie da Łukašenki raspavioŭ, što ŭsia vioska za jaho hałasavała, choć jany i patanajuć u hrazi
Kamientary
Aniekdot pro santiechnika i unitaz napomniło...