Zatrymali ŭładalnika hrodzienskaj kvatery, u jakoj nibyta «likvidavali terarysta»
Uładalnik kvatery pa vulicy Kurčatava, 5 u Hrodnie Alaksandr Kaścievič razam z baćkami zatrymany KDB, piša hrodna.life.
Na kanale STB adznačyli, što jon pryciahvaŭsia za ŭdzieł u akcyjach pratestu jašče ŭ 2010 hodzie. Na dziaržaŭnym telebačańni pakazali i jaho maci Alenu Kaścievič, jakaja skazała, što nie viedała, kamu syn zdaŭ kvateru.
Kvatera zdavałasia nibyta ciaham dvuch tydniaŭ.
«25 lutaha mnie patelefanavali na Viber, spytali, ci volnaja kvatera z 1 čysła. Ja skazaŭ: «Volnaja». Jon skazaŭ, što pryjechaŭ ź Piciera ciahnikom da siabra abo znajomaha», — skazaŭ mužčyna na videa, imavierna, siłavikoŭ.
Pa TB zajavili, što pavodle śviedčańniaŭ susiedziaŭ, mužčyna nibyta vyviešvaŭ na bałkonie BČB-ściah.
U Alaksandra Kaścieviča jość žonka i maleńkaje dzicia.
Ahułam pa spravie dapytali 14 čałaviek, jakija razmaŭlali z «terarystam», havorycca ŭ siužecie.
«Bajpoł» ličyć padziei ŭ Hrodnie insceniroŭkaj. I nazyvaje imia mierkavanaha «terarysta»
U Hrodnie byŭ zabity čałaviek z padrobnym rasijskim pašpartam — dziaržSMI
«U čałavieka vielmi dziŭny paryk, jon kidajecca ŭ vočy» — Azaraŭ pra hrodzienskaha «terarysta»
DziaržSMI pakazali padrobleny pašpart zabitaha ŭ Hrodnie. Raspaviadajem, kamu jon naležaŭ i jak robiacca takija dakumienty
Kamientary