Karpiankoŭ paviedamiŭ ab farmiravańni va ŭnutranych vojskach «Bierkuta» i jašče niekalkich novych śpiecpadraździaleńniaŭ
Novyja padraździaleńni śpiecpryznačeńnia płanujecca stvaryć u Biełarusi. Pra heta paviedamiŭ kamandujučy ŭnutranymi vojskami MUS Mikałaj Karpiankoŭ.
Jak paviedamiŭ milicejski čynoŭnik, uśled za atradami «Ryś», «Śmierč» i «Honar» u vajskovaj čaści 3214 sfarmavana padraździaleńnie «Bierkut».
— Zakančvajecca jaho ŭkamplektavańnie, na kantraktnuju słužbu siudy prychodziać vajskoŭcy, jakija zaviaršajuć hetaj viasnoj terminovuju vajskovuju słužbu ŭ bryhadzie śpiecnaza, — paviedamiŭ Karpiankoŭ.
Pavodle jaho słoŭ, pieršaradnaja zadača «Bierkuta» taja ž, što i ŭ inšych niadaŭna stvoranych atradaŭ, — baraćba z dyviersijna-raźviedvalnymi hrupami i niezakonnymi ŭzbrojenymi farmiravańniami.
— Staić zadača stvaryć siły chutkaha reahavańnia z padraździaleńniaŭ śpiecpryznačeńnia. Uzbroić, asnaścić, ekipiravać ich i dziejničać mabilnymi padraździaleńniami — dakładna i vielmi efiektyŭna. Ruchajemsia ŭ hetym kirunku. My stvaryli va ŭsich našych bryhadach i asobnych bataljonach pa ŭsioj krainie try roty śpiecyjalnaha pryznačeńnia i 12 uzvodaŭ śpiecpryznačeńnia. Praviali zbory, bajavoje zładžvańnie. Akramia taho, płanujecca farmiravańnie za košt pieraraźmierkavańnia našych resursaŭ jašče troch padraździaleńniaŭ śpiecyjalnaha pryznačeńnia ŭ Homieli, Hrodnie i Breście, — raspavioŭ kamandujučy ŭnutranymi vojskami.
Padraździaleńnie śpiecnaza z takoj nazvaj isnavała z 1992 pa 2014 hod va Ukrainie, i paśla pieramohi revalucyi 2014 hoda było raspuščana.
Cichanoŭskaja i Zialenski ŭpieršyniu praviali sustreču. Zialenski zaprasiŭ Śviatłanu ŭ Kijeŭ14
Kamientary