Studentam‑pierapisčykam zapłacili za pracoŭny čas, a nie za kolkaść pierapisanych. A jak kampiensavać zmarnavanyja dni studentam‑płatnikam?
Studentam‑pierapisčykam zapłacili za pracoŭny čas, a nie za kolkaść pierapisanych. A jak kampiensavać zmarnavanyja dni studentam‑płatnikam?
Supracoŭniki Biełstata radasna adrapartavali, što pierapis nasielnictva skončyŭsia i pierapisanyja 97% haspadarak. Tym nie mienš, na pavierchni zastaŭsia šerah finansavych pytańniaŭ. Absalutnuju bolšaść pierapisčykaŭ skłali studenty. Dziaržava abaviazałasia vypłacić im pa 140 tysiač rubloŭ za 22 dni pracy.
— Ja paśpieła pierapisać kala 90% kvater, ale ŭ pieradapošni dzień pierapisu zachvareła. Mnie vydali balničny. Kali pra heta daviedałasia kiraŭnictva ŭčastku, to jany chucieńka zrabili pieraraźlik. Zamiest 140 ja atrymaju 105 tysiač — adnu bazavuju vieličyniu mnie nie vypłaciać, — raskazvaje studentka‑pierapisčyca Nastaśsia.
Biełstat tłumačyć: pierapisčyk pavinien byŭ pracavać štodzień.
Za heta jon i atrymlivaje hrošy. A kolki pracentaŭ pracy jon robić — druhasnaje pytańnie.
Hrošy na viecier
Jašče adna prablema źviazanaja sa studentami‑płatnikami: nichto nie źbirajecca kampiensavać im napierad apłočanyja i prapuščanyja zaniatki. Kali košt hoda navučańnia pieravyšaje $1500, to 22 dni pierapisvańnia — kala 300 tysiač rubloŭ…
U buchhałteryi BDU litaralna śmiajucca: «Nijakaha pieraraźliku ŭ nas nie budzie! Niachaj fakultety arhanizujuć prapuščanyja zaniatki». Ale zrazumieła, što kali vykładčyki ŭžo praviali zaniatki z tymi studentami, jakija nie ŭdzielničali ŭ pierapisie, jany nie buduć paŭtarać toje samaje biaspłatna jašče i dla druhoj častki kursa. Kali ž apłačvać pracu vykładčykaŭ — biudžet univiersiteta nie sydziecca.
Jak dabivacca praŭdy
Juryst Valancin Stefanovič raić adšturchoŭvacca ad damovy, jakuju zaklučali studenty‑płatniki sa svaimi navučalnymi ŭstanovami. Kali tam skazana, što abaviazak univiersiteta — arhanizacyja navučalnaha pracesu, to VNU adkaznaje za nievykanańnie damovy.
— Praŭda, univiersitety mohuć apraŭdvacca, što studenty ŭdzielničali ŭ pierapisie dobraachvotna, —
vykazvaje mierkavańnie Valancin Stefanovič.
Kamientary