Za apošnija dva tydni na vajnie z Ukrainaj zahinuli 1638 rasijskich vajskoŭcaŭ i najmitaŭ PVK «Vahnier». Heta rekordnyja straty za ŭvieś čas padlikaŭ, jakija viaduć «Miedyjazona», Bi-bi-si i kamanda vałancioraŭ.
«Miedyjazona» śćviardžaje, što najbolšy pryrost zahinułych — u PVK «Vahnier», a najbolšyja straty zafiksavanyja siarod źniavolenych, zavierbavanych kampanijaj na čale ź Jaŭhienam Pryhožynym u kałonijach. Na hety momant viadoma 1849 imionaŭ zahinułych byłych źniavolenych.
Ahulnaja kolkaść rasijskich zahinułych z pačatku vajny, pavodle źviestak, jakija ŭdałosia vieryfikavać, skłała 16 774 čałaviek.
Hałoŭnym napramkam dla rasijskich vojskaŭ pa-raniejšamu zastajecca Bachmut, piša vydańnie. Žurnalistam viadomyja imiony 800 čałaviek, jakija zahinuli tam.
Pry hetym kolkaść paćvierdžanych rasijskich strat, imiony jakich viadomyja, jaŭna nie adlustroŭvaje ich realny ŭzrovień, jaki moža być bolšym u niekalki razoŭ.
Bolš za ŭsio pachavalnych prychodzić u Śviardłoŭskuju i Čalabinskuju vobłaści, Baškiryju, Buraciju i Dahiestan. Vialikaja kolkaść paviedamleńniaŭ ab hibieli vychadcaŭ z Krasnadarskaha kraju siarod inšaha tłumačycca tym, što tut vałanciory abychodziać mohiłki i fatahrafujuć mahiły vajskoŭcaŭ.
Ciapier čytajuć
«Sojevyja ekstremisty pavinny adpracavać misku kłubnic». Skardziŭsia na ŭmovy pracy ŭ KDB, a ciapier uciuchvaje treninhi siłavikam — chto taki Anton Šabunievič1919
Kamientary