Zialenski: Kali biełaruskija sałdaty buduć uciahnutyja ŭ vajnu, to heta budzie aznačać stratu Biełarusi
Prezident Ukrainy Uładzimir Zialenski ŭ intervju CNN zajaviŭ, što, na jaho dumku, Pucin da hetaha času nie admoviŭsia ad namieraŭ akupavać Kijeŭ, ale ciapier nie hatovy nastupać z boku Biełarusi, jak zrabiŭ heta hod tamu.
Adkazvajučy na pytańnie, ci znachodzicca Kijeŭ da hetaha času pad pahrozaj, Zialenski adkazaŭ: «Dumaju, prezident Pucin dahetul choča akupavać Kijeŭ. Ale ich idei, misija i nadzieja tyčacca ŭsioj Ukrainy. Kab my stracili svaju niezaležnaść i svoj suvierenitet».
Prezident Ukrainy ličyć, što Pucin nie hatovy da paŭtornaha napadu na Ukrainu z terytoryi Biełarusi.
«Heta było b vialikaj pamyłkaj i dla jaho, i dla Biełarusi. Histaryčnaj pamyłkaj. Tamu što jany nas nie akupujuć, bo jany ŭžo nie takija mocnyja, jak byli, i navat tady jany nie zmahli hetaha zrabić», — skazaŭ jon.
Tamu, sa słoŭ Zialenskaha, ciapier dla rasijan «budzie vielizarnym vyklikam i prablemaj» zaniać Kijeŭ.
«I, jak ja ŭžo skazaŭ, vialikaj pamyłkaj. Tamu što jany buduć uciahnutyja ŭ hetuju vajnu — Biełaruś, ludzi ź Biełarusi, sałdaty ź Biełarusi. Dla ich heta aznačaje stratu historyi, heta aznačaje stratu Biełarusi. Dumaju, heta pamyłka. Tamu ja spadziavajusia, što Biełaruś nie dałučycca da Pucina i nie pojdzie na hetyja kroki», — dadaŭ prezident.
U toj ža čas, padkreśliŭ Zialenski, kali Biełaruś usio ž taki dałučycca da vajny, «jany buduć zmahacca, buduć zmahacca, jany vytrymajuć».
Čytajcie taksama:
Onet: Ihnaravańnie biełaruskaj apazicyi — sumnaja prajava strachaŭ Zialenskaha
Ciapier čytajuć
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2020
Kamientary
Tam niejkija vialikija hrošy źviazany ŭ ukraincaŭ z łukoj.