Alaksandr Łukašenka sustreŭsia z kiraŭnikom niepryznanaj Abchazii Asłanam Bžanija. Pres-słužba Łukašenki apublikavała videa ich sustrečy ŭ Pałacy niezaležnaści ŭ Minsku.
Biełta abmiažoŭvajecca ahulnym paviedamleńniem pra toje, što na sustrečy abmiarkoŭvalisia pytańni raźvićcia supracoŭnictva pamiž Biełaruśsiu i Abchazijaj.
Nijakich sutnasnych padrabiaznaściaŭ nie paviedamlajecca.
Ale na kamiery Łukašenka raspavioŭ, što jon naziraje za situacyjaj, jakaja raźvivajecca ŭ Hruzii. Naprykład, z byłym prezidentam Michaiłam Saakašvili. «Niejak heta nie vielmi vyhladaje prystojna z punktu hledžańnia taho, što heta byŭ prezident usio ž taki. Tamu nu dachodzić da takoj stupieni, jak heta składvajecca ciapier, prosta nieprystojna. Ale da čaho heta kažu: my ž nie davali nijakich acenak, my nie ŭmiešvalisia ŭ hetuju situacyju i inšyja. My vielmi dobryja adnosiny padtrymlivali i padtrymlivajem, nakolki heta mahčyma, z Tbilisi. Čamu jany tak reahujuć vostra… Ja dumaju, i vy mnie dapamožacie znajści adkaz na heta pytańnie», — skazaŭ Alaksandr Łukašenka.
U vieraśni 2022 hoda Alaksandr Łukašenka naviedaŭ samaabvieščanuju respubliku Abchazija. Nijakich značnych nastupstvaŭ z boku Tbilisi heta nie mieła.
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?9
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara2121
Kamientary