«Chacieŭ abjadnać našy braterskija narody, ale zastalisia tolki dźvie siastry». Ułaśnik babrujskaha servisnaha centra prakamientavaŭ skandalnuju rekłamu
Babrujski servisny centr pa ramoncie telefonaŭ «Restart» apublikaŭ post pra akcyju z nahody 23 lutaha. U hety dzień jon prapanavaŭ usim źnižku 23% na pieraklejku raźbitaha škła dyspłeja. I dadaŭ, što ŭkraincy mohuć atrymać źnižku 50%, ale pry ŭmovie, što jany praśpiavajuć himn Rasii.
Paśla dopis ź instahrama vydalili.
Ułaśnik kramy siońnia apublikavaŭ zvarot u instahramie. Jon patłumačyŭ, što sens rekłamnaha pasta byŭ u tym, kab «abjadnać našy braterskija narody».
«Sutnaść hetaha pasta była ŭ tym, kab pryjšoŭ pazityŭny čałaviek, ukrainiec, razam śpieli ci to himn Biełarusi, ci Ukrainy, ci Rasii, razam paśmiajalisia, usie zastalisia b zadavolenyja i ščaślivyja», — raskazvaje mužčyna.
Jon nie razumieje, čamu «pazityŭna nastrojeny» post sabraŭ stolki niehatyŭnych kamientaryjaŭ.
Ułaśnik kramy kaža, što sam nie hladzić nijakija kanały — ni niezaležnyja, ni dziaržaŭnyja, bo kožny choča naviazać svaju dumku.
«Hladžu vystupleńni tolki našych prezidentaŭ, Pucina i Łukašenki. Hladžu Zialenskaha — cikava pasłuchać. I kali nie chapaje słoŭnikavaha zapasu — hladžu mera Kijeva», — padzialiŭsia jon.
Mužčyna zhadvaje, što raniej časta jeździŭ va Ukrainu.
«Bałdzieŭ ad jaje, drennych ludziej nie sustrakaŭ. Jeździŭ, miaža, try siastry. Razam my siła, takija krasaŭcy. Ale zastałosia tolki dźvie siastry, treciaja — jak kažuć, u siamji nie biez vyradka. Heta kryŭdna».
«Kolki ŭ vas złości, — źviarnuŭsia jon da kamientataraŭ. — Budźcie dabrejšymi adno da adnaho».
Ciapier čytajuć
Stali viadomyja padrabiaznaści pra trahiedyju ŭ Połackim manastyry13
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary