Kurkuma — karysnaja pryprava.
Navukoŭcy ličać, što kurkuma maje procizapalenčyja ŭłaścivaści. Da kavy z kurkumaj časta dadajuć karycu.
Šmat ludziej raskazvaje, što ad kavy z kurkumaj jany viesialejuć, i ŭ hetaha efiektu jość navukovaje tłumačeńnie. Dakazana, što kurkuma dapamahaje palepšyć nastroj, a kafiein dadatkova stymuluje arhanizm. Taksama viadoma, što kurkuma dapamahaje rehulavać uzrovień cukru ŭ kryvi, što asabliva važna dla ludziej z dyjabietam 2 typu.
Jašče adzin plus kurkumy — jana palapšaje pracu serca, a ŭ kambinacyi z karycaj i imbiram dapamahaje pry vysokim chalesterynie i kryvianym cisku. Hetaja śpiecyja ablahčaje dyskamfort u stravavalnym trakcie, źviazany ź sindromam razdražnionaha kišečnika i jaho simptomami: dyjarejaj, uzdućciem žyvata i balučymi spazmami straŭnika.
Inšaje daśledavańnie pryjšło da vysnovy, što kurkuma moža palehčyć simptomy jazvavaha kalitu.
Narešcie, kurkuma maje antybakteryjalnyja ŭłaścivaści, jašče jana bahataja na antyaksidanty.
Niekatoryja daktary ličać, što kurkuma efiektyŭnaja pry chvarobach skury nakštałt akne, psaryjazu i ekziemy. Hetaja tema pakul što nie nadta daśledavanaja, ale navukoŭcy miarkujuć, što ŭ kambinacyi z dermatałahičnymi lekami kurkuma mahła b prynieści karyść.
Jość, adnak, u kurkumy i vialiki minus — jana drenna zasvojvajecca arhanizmam. Razam z kavaj kurkuma zasvojvajecca jašče horš, bo kisłotnaść kavy paharšaje rastvaralnaść śpiecyi, ale jość sposaby heta vypravić. Pa-pieršaje, možna dadać u kavu z kurkumaj tłušč, naprykład, małako, tamu kurkumu časta dadajuć da łate. Pa-druhoje, kurkuma lepš zasvojvajecca, kali dadać da kavy ź joj troški piercu.
Čytajcie taksama: Nie kožnaja kava — karysnaja
Kafiein robić čałavieka bolš schilnym da trat. Voś jak heta pracuje
Jak zavarvać zialonuju harbatu? Voś što važna ŭličvać
Ciapier čytajuć
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju1010
Kamientary