Dniami viadomy amierykanski brend MSCHF anansavaŭ novuju madel humovych botaŭ The Big Red Boot. Čyrvonyja boty adrazu ž stali miemam u sacyjalnych sietkach, a paźniej da šumichi padklučyłasia i suśvietnaja presa — artykuły ab niedarečnym abutku vyjšli ŭ GQ i brytanskim Independent. Hramadskaść šakavaŭ nie tolki śmieły dyzajn čaravikaŭ, ale i mahčymy płahijat idei.
Bruklinski brend MSCHF viadomy amataram ekskluziŭnaj mody svaimi nieardynarnymi idejami. Tak, u pačatku minułaha hoda tvorčy kalektyŭ vypuściŭ djabalskija krasoŭki, natchnionyja madellu Nike Air Max 97 — Lil Nas X.
Kožny čaravik Lil Nas X byŭ pranumaravany ličbami ad 1 da 666 i pradavaŭsia za 1018 dalaraŭ ZŠA, a niehałosnym łozunham pijar-kampanii abutku staŭ uryvak ź Jevanhiella ad Łuki 10:18: «Ja bačyŭ, jak satana padaŭ ź nieba, jak małanka».
Akramia hetaha, kožnuju paru ŭpryhožvała bronzavaja pientahrama, pieraviernuty kryž na jazyčku i śpiecyjalnyja vuściłki z čyrvonaj voŭny ź pientahramami na piatkach. Ale samym šakujučym elemientam toj madeli stała pavietranaja burbałka, jakaja źjaŭlajecca nieadjemnaj častkaj aryhinalnaha dyzajnu Nike. Jana była napoŭniena 60 mł čarniła i adnoj kroplaj sapraŭdnaj čałaviečaj kryvi.
Zrešty, vykarystańnie łahatypa Nike, jak i zhadvańnie brenda, było niezakonnym, i ŭ krasaviku 2021 hoda kampanija padała pazoŭ suprać MSCHF, jaki skončyŭsia miravym pahadnieńniem.
Jak i ŭ historyi z Lil Nas X, novaja madel brenda The Big Red Boot taksama ŭciahnutaja ŭ skandał ab płahijacie.
Reč u tym, što humovyja boty vidavočna nahadvajuć abutak Astraboja z adnajmiennaha anime-sieryjała 1960-ch hadoŭ. I choć u aficyjnym pres-relizie ab natchnieńni multfilmam nie było ni słova, karystalniki sacsietak užo achryścili paru adpaviedna hieroju — Astro Boy.
Adznačajecca, što para zroblena z humy TPU i pieny EVA i nie maje nijakaj artapiedyčnaj padtrymki stupni, što, zrešty, nie pieraškadžaje modnikam ich nasić.
Cikava, što sam brend nie ličyć boty prydatnymi dla pastajannaj noski i zavie ich «mulciašnymi čaravikami dla kłasnaha 3D-śvietu». Taksama dyzajniery dajuć paradu pa vykarystańni takoha abutku: «Kali vy pniacie kahości ŭ hetych čaravikach, jany prosta ŭzarvucca!»
Aficyjny start prodažu płanujecca na 16 lutaha. Čakajecca, što cana pary budzie składać 350 dalaraŭ ZŠA.
-
Dyzajniery prapanujuć vychodzić zamuž u viasielnych šlopancach — takuju kalekcyju vypuścili ŭ Birkenstock
-
Palito za 790 rubloŭ ad biełaruskaha brenda chutka sapsavałasia. Klijentcy paraili zafarbavać paciortaści śpiecyjalnym markieram
-
«Bro, nie kuplaj sabie bulbiany miašok — idzi ŭ zału»: biełaruski viadučy TNT raskrytykavaŭ mužčynskija kaściumy oviersajz
Ciapier čytajuć
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT3
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary
tolko v skazkach była tufielka maleńkaja chrustalnaja
a v riealnosti okazałoś von ono kak -
botiŝie riezinovoje dutoje ochrienienno
da jeŝie i krasnoje