A. Milinkievič: Złačynstvy, u jakich abvinavacili aktyvistaŭ «Partnerstva», mohuć być pradjaŭlenyja tysiačam biełarusaŭ
Lider biełaruskaj apazycyi kamentuje prysud u dačynieńni da M. Astrejki, C. Drančuka, A. Šałajki i E. Branickaj.
Lider apazycyi kamentuje prysud u dačynieńni da M. Astrejki, C. Drančuka, A. Šałajki i E. Branickaj.
Pres-słužba lidera abjadnanych demakratyčnych sił raspaŭsiudziła pres-reliz, u jakim eks-kandydat u prezydenty kamentuje prysud u dačynieńni da aktyvistaŭ niezarehistravanaj inicyjatyvy «Partnerstva». Jak paviedamlała «Naša Niva», Mikoła Astrejka asudžany na dva hady pazbaŭleńnia voli z utrymańniem u kalonii ahulnaha režymu, Cimoch Drančuk – na adzin hod kalonii ahulnaha režymu. Enira Branickaja i Alaksandar Šałajka – na paŭhady aryštu. 21 žniŭnia E. Branickaja i A. Šałajka musiać vyjści na svabodu.
«U śviadomaści ludziej hety prysud zastaniecca jak palityčnaja rasprava nad tymi, chto žadaŭ adkryta i zakonna nazirać za vybarami. Sudovy praces nad aktyvistami hramadzkaj inicyjatyvy «Partnerstva» byŭ zadumany z metaj zastrašyć tych, chto abaraniaŭ svajo prava hladzieć na ruki ŭłady», – zaznačaje A. Milinkievič.
Złačynstvy, u jakich abvinavačvajuć maładych ludziej, mohuć być pradjaŭleny tysiačam ludziej pa ŭsioj Biełarusi, jakija prajaŭlajuć hramadzianskuju aktyŭnaść i žadajuć pieramienaŭ.
Lider demapazycyi zaznačaje, što sudovy praces nad «Partnerstvam» – śviedčańnie «samaŭpraŭstva administracyjna-kamandnaha prava i niepadkantrolnaści ŭłady. Ja schilajusia pierad mužnaściu hetych ludziej i ich svajakoŭ, jakija niahledziačy na žorstki presinh ułady, adstojvajuć svaju pazycyju, svajo prava žyć pa sumleńni i zakonu».
Naša Niva
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty49
Kamientary