Jeŭrasajuz źbirajecca ŭvieści ličbavyja šenhienskija vizy z padačaj anłajn
Jeŭrasajuz płanuje z 2026 hoda pierajści na ličbavyja šenhienskija vizy — adpaviednuju prapanovu Jeŭrakamisii pryniaŭ Jeŭraparłamient, paviedamlaje Shengenvisa News. Siarod inšaha padarožniki zmohuć padavać dakumienty na vizu anłajn, a nalepki ŭ pašparcie zamieniać ličbavymi danymi.
Jeŭraparłamient 31 studzienia padtrymaŭ zakonaprajekt słavienskaha deputata Maćjaža Niemieca ab poŭnym abličboŭvańni šenhienskich viz. Jaho inicyjatyva praduhledžvaje stvareńnie adzinaj anłajn-płatformy dla padačy zajaŭ i zamienu vizavaj papiarovaj nalepki ŭ pašparcie na ličbavyja danyja.
Ličbavizacyja vizavych pracedur maje zrabić padaču dakumientaŭ bolš prostaj i zručnaj dla zajaŭnikaŭ, a z druhoha boku, źnizić ryzyki padrobki i machlarstva, źviazanyja ź fizičnymi vizami.
Miarkujecca, što ŭ bolšaści vypadkaŭ zajaŭniku daviadziecca tolki adzin raz asabista źjavicca ŭ konsulstva abo vizavy centr dla zboru bijamietryčnych danych i pravierki dakumientaŭ. Padača ankiet budzie rabicca na adzinaj anłajn-płatformie, jakaja dazvolić zajaŭnikam daviedacca, jakaja kraina atrymaje ich zapyt.
Uchvaliŭšy zakonaprajekt u cełym, deputaty Jeŭraparlamienta prapanavali jaho dapracavać — pierš za ŭsio, zrabić budučuju vizavuju płatformu maksimalna multymoŭnaj, a taksama raspracavać zrazumieły ałharytm dla tych, chto nie maje vysokaj ličbavaj adukavanaści.
Akramia taho, zajaŭki, padadzienyja z adnaho IP-adrasa, nie pavinny błakavacca, bo ŭ niekatorych rehijonach mohuć być prablemy sa stabilnym dostupam u internet.
Ciapier čakajecca, što Jeŭraparłamient abjavić pra mižviedamasnyja pieramovy ŭ hetym pytańni, a potym pačniecca pastupovy pierachod da novaŭviadzieńniaŭ.
Čytajcie taksama:
Vizu Poland. Business Harbour možna budzie adnavić u Polščy
Centr biełaruskaj salidarnaści: Biełarusam časta admaŭlajuć u vydačy humanitarnych viz unutry Polščy
Samy «mocny» i samy «słaby» pašparty ŭ śviecie — azijackija
Na pratestancki fiestyval u «Čyžoŭku-Arenu» jedzie amierykanski prapaviednik Franklin Hrem. Razam ź im čakajuć Koŭła z žonkaj14
Kamientary