U Polščy zatrymali troch biełarusaŭ, abvinavačvajuć u kradziažy darahoj pompy z kramy
U Białaj Padlašskaj zatrymali traich biełarusaŭ pa padazreńni ŭ kradziažy pompy ŭ kramie, paviedamili ŭ pres-słužbie polskaj palicyi. Incydent z kradziažom adbyŭsia ŭ piatnicu, 27 studzienia.
U palicyju paviedamili, što nieviadomyja, pakul pradavačka adpačyvała, vynieśli z kramy hłybinnuju pompu koštam kala 6000 złotych (u ekvivalencie amal 1,4 tysiačy dalaraŭ). Padazravanym adrazu staŭ klijent, jaki ŭ hety samy dzień uvažliva vyvučaŭ hetuju pompu, vystaŭlenuju na prodaž.
Nieŭzabavie asobu padazravanaha ŭ kradziažy vyjavili. Im akazaŭsia 34-hadovy biełarus, jaki byŭ u kramie z dvuma ziemlakami.
Pry sadziejničańni polskich pamiežnikaŭ jon byŭ zatrymany razam z 43-hadovaj spadarožnicaj pry sprobie pakinuć Polšču.
A jašče praź dzień zatrymali i treciaha mierkavanaha ŭdzielnika apieracyi — 46-hadovaha biełarusa, jaki, naadvarot, zajazdžaŭ u Polšču, majučy pry sabie hetuju samuju pompu. Mužčyna zajaviŭ, što byŭ upeŭnieny, što pompa była apłačanaja ŭ kramie raniej.
Na hety momant biełarusam pradjavili abvinavačvańni ŭ kradziažy, pa polskich zakonach im pahražaje da 5 hadoŭ turmy. Akramia taho, ź ich uziali zakład 2500 złotych (kala 580 dalaraŭ) u košt budučych pieniaŭ i štrafaŭ.
Čytajcie taksama:
U Polščy pjany biełarus na BMW trapiŭ pad ciahnik
Biełarusa departavali z Polščy za niametavaje vykarystańnie pracoŭnaj vizy
Stali viadomyja padrabiaznaści pra trahiedyju ŭ Połackim manastyry16
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary