Stała viadoma, jakaja struktura prykłała ruku da zakryćcia Prime Hall
Znakamitaja kancertnaja placoŭka Prime Hall u «Zamku», što naležyć bujnomu biznesmienu Paŭłu Tapuzidzisu, zakrytaja z 15 studzienia. Ciapier stali viadomyja dakładnyja pryčyny.
My padrabiazna aśviatlali adnu ź viersij zakryćcia, u jakoj fihuruje proźvišča «biznesmiena ŭdačy» Alaksieja Aleksina, jaki «vajuje» z Tapuzidzisam za ŭnutrany tytuniovy rynak.
Ale mierkavany ŭdzieł Aleksina — heta historyja, źviazanaja z zakryćciom, a nie niepasrednaja pryčyna.
Čytajcie taksama: Čamu zakryŭsia Prime Hall? Viadomaja adna ź viersij
Dyk što adbyłosia?
Jak patłumačyli «Našaj Nivie» surazmoŭcy, jakim detali stali viadomyja ad supracoŭnikaŭ «Prajm Choła», zakryćcio źviazanaje z karparatyvam adnoj pryvatnaj kampanii, jakaja źniała pamiaškańnie dla praviadzieńnia navahodniaha karparatyvu.
«Na hetym karparatyvie vystupiŭ «zabaronieny» artyst z zabaronienymi pieśniami. Pra heta było dakładziena «kudy treba». Paśla hetaha vystupu i pačalisia prablemy.
Načalstvu «Karony» zvanili z Saŭmina. A paśla nahnali pravierak, jakija patrabavali zakryćcia. U vyniku, kłub zakryŭsia sam», — paviedamiŭ nam abaznany surazmoŭca.
Chto niepasredna paviedamiŭ u orhany pra «niepažadanaha» artysta, nieviadoma — miarkujecca, što heta byŭ niechta z supracoŭnikaŭ kampanii, jakaja arandavała zału.
«Naša Niva» — bastyjon biełaruščyny
PADTRYMAĆ
Kamientary