Ministr abarony Hiermanii pra pastaŭku Ukrainie samalotaŭ: Ja dumaju, što pra heta nie moža być i havorki
Ministr abarony Hiermanii Barys Pistoryus u intervju haziecie Suddeutsche Zeitung vykazaŭsia adnosna mahčymaści pieradačy Ukrainie sučasnych samalotaŭ-źniščalnikaŭ. Na jaho dumku, heta praktyčna vyklučana.
«Ja dumaju, što pra heta nie moža być i havorki. Źniščalniki źjaŭlajucca značna bolš składanymi sistemami, čym bajavyja tanki, i majuć zusim inšuju dalokaść palotu i ahniavuju moc. Tamu my b zahłybilisia ŭ takija vymiareńni, ad jakich ja b ciapier vielmi pieraścierahaŭ», — zajaviŭ ministr.
Varta adznačyć, adnak, što padobnyja vykazvańni jeŭrapiejskija čynoŭniki rabili i pra inšyja vidy zbroi, vyklučajučy ich pieradaču ci pryznajučy jaje małavierahodnaj. Ale ź ciaham času pytańni vyrašalisia pazityŭna, čamu spryjajuć vajskovyja pieramohi Ukrainy i praktyčnyja dokazy taho, što pieradadzienyja ŭkraincam zachodniaja zbroja vykarystoŭvajecca efiektyŭna.
Kamientary