Łukašenka zajaviŭ, što Ukraina prapanoŭvała zaklučyć pakt ab nienapadzieńni
Na naradzie ź siłavym błokam Alaksandr Łukašenka vystupiŭ z «šakujučaj zajavaj». Raniej takaja infarmacyja nidzie nie źjaŭlałasia.
«Z adnaho boku, prosiać nas, kab my ni ŭ jakim razie nie vajavali z Ukrainaj, kab našy vojski tudy nie ruchalisia. Pakt ab nienapadzieńni prapanujuć zaklučyć. A ź inšaha boku, rychtujuć hetuju hrymučuju sumieś i ŭzbrojvajuć ich [bajevikoŭ]. Polšča, Litva naohuł ačumieli, — niedypłamatyčna vykazaŭsia na adras susiednich krain Alaksandr Łukašenka.
— Navošta heta im treba? Niezrazumieła».
Ën taksama pahražaŭ biełaruskamu narodu žorstkimi represijami ŭ adkaz na lubyja prajavy niezadavolenaści.
«Nam pa pierymietry chapaje pytańniaŭ — i ŭ pavietranaj prastory, i na ziamli, zialonaja miaža. U nas tam chapaje prablem. Daj boh utrymać usio heta. A jašče ŭnutry nam chtości budzie stvarać? Tamu reakcyja na voś hetuju ŭnutranuju nie apazicyju, a ekstremistaŭ — vyleźli z-pad plintusa, nie vyleźli — budzie žorstkaja. I chaj nie kryŭdziacca: my papiaredžvali», — vykazaŭsia Łukašenka (jaho słovy pryvodzić BiełTA).
Na sustrečy z rasijskim ministram Łaŭrovym na minułym tydni jon pachvaliŭ Ukrainu za toje, što jana vystupiła suprać sankcyj u dačynieńni da Biełarusi.
Ciapier čytajuć
U Minsku pradajuć dom na vadzie. Kolki prosiać za niezvyčajny abjekt na Čyžoŭskim vadaschoviščy?3
Kamientary