Daśledčyki vyjavili jašče adzin karysny efiekt ad «Vijahry»
Ale ŭsio adno rajać vykarystoŭvać preparat tolki pa metavym pryznačeńni.
«Vijahra» značna źnižaje ryzyku sardečna-sasudzistych zachvorvańniaŭ i zaŭčasnaj śmierci ŭ mužčyn. Da takoj vysnovy pryjšli navukoŭcy z univiersiteta Paŭdniovaj Kalifornii ŭ svaim daśledavańni, apublikavanym u časopisie Journal of Sexual Medicine.
U chodzie daśledavańnia byli praanalizavanyja miedycynskija zapisy za 14-hadovy pieryjad bolš čym 23 tysiač amierykanskich mužčyn uzrostam kala 52 hadoŭ, jakim prapisvali «Vijahru» ad erektylnaj dysfunkcyi. Atrymanaja infarmacyja była paraŭnanaja ź miedycynskimi danymi 48 tysiač mužčyn takoha ž uzrostu, jakija mieli taki ž dyjahnaz, ale preparat nie prymali.
«U vyniku było ŭstanoŭlena, što pacyjenty, jakija prymali «Vijahru», u siarednim žyli daŭžej. Ryzyka zaŭčasnaj śmierci ad lubych pryčyn u ich była źnižanaja na 25%, a ryzyka śmierci ad sardečna-sasudzistych zachvorvańniaŭ — amal na 40%. Akramia taho, u ich taksama na 17% była źnižanaja ryzyka raźvićcia sardečnaj niedastatkovaści», — havorycca ŭ vynikach daśledavańnia.
Prytym mužčyny, jakija prymali vialikuju dozu «Vijahry», akazalisia lepš abaronienymi ad sardečnych zachvorvańniaŭ, čym tyja, chto prymaŭ mienšuju dozu preparatu.
U toj ža čas daśledčyki adznačyli, što hetyja fakty ŭžo daŭno nie adkryćcio, bo jašče ŭ momant źjaŭleńnia «Vijahry» ŭ 1992 hodzie jana testavałasia ŭ jakaści preparatu ad šerahu sardečnych zachvorvańniaŭ, ale było ŭstanoŭlena, što ŭsio ž jana bolš efiektyŭnaja dla lačeńnia prablem z erekcyjaj.
Akramia taho, navukoŭcy źviarnuli ŭvahu na nieabchodnaść dalejšych daśledavańniaŭ, bo suviaź pamiž vykarystańniem preparatu i jaho stanoŭčym efiektam dla serca jašče nie vyvučana dastatkova padrabiazna.
«Mahčyma, što paddoślednyja mužčyny byli ad pačatku mienš schilnyja da sardečnych zachvorvańniaŭ, bo ŭ advarotnym vypadku takim pacyjentam nie pryznačajuć «Vijahru». Albo palapšeńnie zdolnaści zajmacca seksam bolš paŭpłyvała na dobruju pracu serca, čym hetaha dabiŭsia toj ža preparat. U kožnym razie, treba praciahvać daśledavańnie», — skazali navukoŭcy.
Čytajcie jašče:
Čatyry mietady kantracepcyi, jakija nie pracujuć
Ci moža zvyčajnaja razynka pierazahruzić vaša seksualnaje žyćcio?
Mužčyny-biełarusy nazvali čatyry pamyłki žančyn, jakija paralizujuć ich u łožku
Ciapier čytajuć
Jak być maładym baćkam u 66 hadoŭ, pra maru i pra novy albom — u hutarcy ź lehiendaju fołku Ivanam Kirčukom1
Jak być maładym baćkam u 66 hadoŭ, pra maru i pra novy albom — u hutarcy ź lehiendaju fołku Ivanam Kirčukom
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary
boh vam u pomašč - nashaniva.com/308446
nu dyk. serca lepš pracuje=lepš haniaje kroŭ=lepš pampujecca kryvioju detalka = ustaje.
łahična? łahična
moža mnie ŭ navukoŭcy pajści?
tym bolš, što adkaznaści za bazar anijakaj - siońnia lapnuć adno, zaŭtra sami siabie abvierhnuć
"Akramia taho, navukoŭcy źviarnuli ŭvahu na nieabchodnaść dalejšych daśledavańniaŭ, bo suviaź pamiž vykarystańniem preparatu i jaho stanoŭčym efiektam dla serca jašče nie vyvučana dastatkova padrabiazna."