Biełaruskaja arnitafaŭnistyčnaja kamisija aficyjna zaćvierdziła i ŭklučyła ŭ śpis našych ptušak novyja vidy, piša telehram-kanał «Dzikaja pryroda pobač».
Arłan-daŭhachvost. Dziŭnuju ptušku ŭbačyła hrupa ptuškaroŭ na rybhasie Vołma 22 žniŭnia 2021 hoda, a doma vyznačyŭ pa fota Andrej Baradzin. Kab apynucca ŭ Biełarusi, hety małady arłan-daŭhachvost pavinien byŭ zrabić vandroŭku daŭžynioj prynamsi 5 tysiač km!
Siniachvostku adłaviŭ i akalcavaŭ arnitołah Dzianis Kiciel 14 vieraśnia 2021 hoda na stancyi kalcavańnia «Sasnovy Bor» u Rasonskim rajonie. Hetaja ptuška lubić chvajovyja lasy — kali byvaješ tam, naziraj uvažliva za ptuškami, mahčyma, i tabie paščaścić ubačyć hety skrytny pryhožy vid.
Taŭstadziubuju piačuraŭku taksama adłaviŭ i akalcavaŭ Dzianis Kiciel na stancyi «Sasnovy Bor» — usiaho praz paru tydniaŭ paśla siniachvostki. Hniezdavy areał hetaj ptuški ad nas daloka: najbližejšyja hniazdujuć pad Novasibirskam. U Jeŭropu pamyłkova laciać niekatoryja asobiny, tamu jeŭrapiejcy radujucca kožnaj takoj sustrečy.
Dełaverskaja čajka ŭpieršyniu adznačanaja 26 sakavika 2022 hoda ŭ Bresckaj i Homielskaj abłaściach dziakujučy spadarožnikavamu pieradatčyku. A ŭžo 31 sakavika jaje znajšli ptuškary ŭ Homieli na Vałatoŭskim voziery. Ptuška hniazduje ŭ Paŭnočnaj Amierycy, u apošnija dziesiacihodździ rehularna zalataje ŭ Jeŭropu, a asobnyja ptuški navat zastajucca tut na zimoŭku.
Aroł-šulak adznačany 29 i 30 sakavika ŭ Smarhonskim rajonie dziakujučy spadarožnikavamu pieradatčyku. Heta maładaja samka, jakaja naradziłasia na poŭdni Francyi ŭ 2019 hodzie. Vid hniazduje ad Maŭrytanii da paŭdniova-ŭschodniaha ŭźbiarežža Kitaja.
Takim čynam, ciapier u śpisie ptušak Biełarusi 342 vidy.
-
Novy trend u płaniroŭcy pamiaškańniaŭ: sanvuzły ŭnutry pakojaŭ za rassoŭnymi ścienami ci navat bieź ich
-
U parku žyvioł la Baranavičaŭ možna paabdymacca z kapibaraj za 100 rubloŭ
-
Prahnoz nadvorja ad Hidramietcentra Rasii samy niajakasny siarod kankurentaŭ. A jakija madeli pradkazvajuć nadvorje najlepš?
Kamientary