Jeŭraparłamient prahałasavaŭ za stvareńnie mižnarodnaha trybunała dla Pucina i Łukašenki
Jeŭraparłamient prahałasavaŭ za stvareńnie śpiecyjalnaha mižnarodnaha trybunała dla rasśledavańnia vajennych złačynstvaŭ režymaŭ Rasii i Biełarusi.
«Za» rezalucyju prahałasavali 472 deputaty, «suprać» — tolki 19.
«Adznačajecca, što jon pavinien rasśledavać nie tolki Pucina i kiraŭnictva RF, ale taksama Łukašenku i kiraŭnictva režymu ŭ Biełarusi», — adznačyŭ u svaim tvitary žurnalist radyjo «Svaboda» ŭ Brusieli Rykard Joźviak.
U rezalucyi Jeŭraparłamienta havorycca, što paŭnamoctvy trybunała pavinny dazvalać jamu pryciahnuć da adkaznaści nie tolki Uładzimira Pucina, vajskovaje i palityčnaje kiraŭnictva Rasii, ale i Alaksandra Łukašenki, a taksama vajskovaje i palityčnaje kiraŭnictva Biełarusi, «jak dziejazdolnaj dziaržavy, z terytoryi jakoj i pry materyjalna-techničnaj padtrymcy jakoj Rasijskaja Fiederacyja viadzie svaju ahresiŭnuju vajnu suprać Ukrainy».
Varta adznačyć, što heta «nieabaviazvajučaja rezalucyja», jana ŭjaŭlaje saboj zaklik, a nie zakanadaŭčuju normu.
Ciapier čytajuć
Džon Koŭł pryjedzie ŭ Biełaruś 15 vieraśnia. Łukašenka, adnak papiaredziŭ: «vialikaj ździełki» nie budzie6
Kamientary