Cichanoŭskaja: My razumiejem, što ŭłady Ukrainy nie chočuć pravakavać Łukašenku. Ale jon nie achviara
Śviatłana Cichanoŭskaja prakamientavała infarmacyju žurnalista «Radyjo Svaboda» Rykarda Joźviaka, što ES nie ŭvodzić sankcyi suprać Biełarusi pa prośbie Ukrainy.
«My razumiejem, što ŭłady Ukrainy nie chočuć pravakavać Łukašenku. Ale kali źjaŭlajucca dumki pra toje, što heta jaho spynić, — jany pamyłkovyja. U pačatku 2022-ha jon abiacaŭ Ukrainie, što nie budzie napadu. My viedajem, da čaho heta pryviało», — miarkuje Cichanoŭskaja.
«Łukašenka nikoli nie trymaje słova i budzie rabić toje, što skaža Rasija. Jon nie vypadkova apynuŭsia ŭ takoj situacyi. Jon nie zakładnik i nie achviara — jon abraŭ intehracyju z Rasijaj jašče ŭ 90-ch, kali pačalisia padpisańni dakumientaŭ pra sajuznuju dziaržavu. Jahonaja palityka pryviała da pačatku vajny suprać Ukrainy, a taksama da pahrozy niezaležnaści Biełarusi. Jaho saŭdzieł u vajnie dazvoliŭ adbycca hienacydu ŭ Bučy, Irpieni, Čarnihaŭskaj i Kijeŭskaj abłaściach», — padkreślivaje Śviatłana Cichanoŭskaja.
«Tamu sastupki jamu ŭ razhar vajny tolki stvarajuć dla jaho pačućcio biespakaranaści. Tak jon upeŭnivajecca, što moža i dalej pravodzić represii, zabivać ludziej i dazvalać napadać na Ukrainu z terytoryi Biełarusi. A zadača cyvilizavanaha śvietu — paźbiehnuć biespakaranaści. Vinavatyja pavinny panieści adkaznaść — i naša ahulnaja zadača hetaha dabicca.
Biełarusy, pra čyje intaresy sapraŭdy treba dumać — heta biełaruskija aktyvisty, dobraachvotniki i vałanciory, jakija dapamahajuć Ukrainie i zmahajucca suprać Rasii. Heta ludzi, jakija stali palitźniavolenymi za svoj pratest suprać vajny va Ukrainie i dyktatury. Ale dakładna heta nie Łukašenka, jaki daje terytoryju Biełarusi ruskim sałdatam i rakietam», — reziumuje demakratyčny lidar.
Joźviak: ES nie ŭvodzić sankcyi suprać režymu Łukašenki pa prośbie Ukrainy
Ciapier čytajuć
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?77
Kamientary
Nužno umnikov iz ofsa priezidienta v Ukrainie tykať nosom v eto d@ŕmo, čtoby obrubiť navsiehda korrupcionnyje schiemy s riežimom tarakana. Našli chorošuju othovorku «nie provocirovať». Eti riežimy ponimajut tolko jazyk Siły i Sankcij!
Usie pravilna.
Mabyć niekatoryja u zielenskaja ličać, što 3% nie napaŭ tamu što u ich dobryja adnosiny i tamu što jany handlavali, a nie tamu što jen spužaŭsia što narod suprać, navat armija suprać vajny.