Ukraina atrymała ad Kazachstana 41 mahutny hienieratar dla miedycynskich ustanoŭ. Jak pieradaje Ukrinfarm, pra heta Ministerstva achovy zdaroŭja Ukrainy paviedamiła ŭ fejsbuku.
«Atrymali vydatny padarunak pad jełku ad bratniaha naroda Kazachstana: 41 mahutny hienieratar dla našych miedycynskich ustanoŭ», — havorycca ŭ paviedamleńni.
Jany buduć pieradadzienyja ŭ vobłaści, jakija znachodziacca pad atakami rasijskich ahresaraŭ, — Mikałajeŭskuju, Dnieprapiatroŭskuju, Charkaŭskuju.
«Kožny hienieratar — heta harantyja bieśpierabojnaj pracy apieracyjnych, reanimacyj i kisłarodnych stancyj», — adznačyŭ ministr achovy zdaroŭja Viktar Laško.
Partyja hienierataraŭ była dastaŭlena dziakujučy pracy mižparłamienckaj hrupy družby «Ukraina — Kazachstan» pad staršynstvam deputata Siarhieja Naharniaka.
Krainy ES sioleta pieradali Ukrainie bolš za 1000 elektrahienierataraŭ na fonie rasijskich napadaŭ, nakiravanych na abjekty enierhietyčnaj infrastruktury.
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2121
Kamientary