Patrojnaje zabojstva i vykradańnie dziciaci adbyłosia ŭ Hrodnie
Jak paviedamiŭ staršy pamočnik prakurora Hrodzienskaj vobłaści Viačasłaŭ Ihnacik, znajšli trupy z nažavymi ranieńniami i vyklikali milicyju pažarnyja, jakija prybyli na ŭzharańnie ŭ druhim korpusie doma №8 pa vulicy Kabiaka.
Zahinułyja — 65‑hadovy haspadar kvatery, jaho 34‑hadovaja niaviestka i jaje 52‑hadovaja znajomaja. Źnik syn maładoj žančyny — piacikłaśnik.
Praź niekalki hadzin apieratyŭnymi supracoŭnikami Kastryčnickaha RAUS niepadalok ad miesca ŭčynieńnia złačynstva byli zatrymany padazronyja — 29‑hadovy i 28‑hadovy žychary abłasnoha centra. Adzin ź ich — uradženiec Rasii. Abodva — raniej sudzimyja za rabaŭnictva, machlarstva, chulihanstva, uchileńnie ad adbyćcia pakarańnia ŭ vyhladzie abmiežavańnia voli, kradziež. Adbyvali pakarańnie ŭ papraŭčaj kałonii №10 u Navapołacku.
Pavodle słoŭ Viačasłava Ihnacika, matyŭ złačynstva vyśviatlajecca. Miarkujecca, što sprava była ŭ hrošach. Uschodnym paćviardžeńniem karyślivaha matyvu moža słužyć imknieńnie padazronych vykraści z kvatery kampjuter.
Kab schavać ślady złačynstva, kvateru padpalili.
Što da chłopčyka, to nie vyklučajecca, što jaho mahli vykraści z metaj likvidacyi śviedki. Padčas zatrymańnia padazravanych jon byŭ ź imi.
Ciapier dzicia ŭ biaśpiecy.
Padčas učynieńnia złačynstva abodva zatrymanyja byli ŭ stanie ałkaholnaha apjanieńnia.
Ciapier čytajuć
Hałoŭnym śpikieram Žanočaha forumu ŭ Minsku stanie rasijski kryndžovy psichołah, jaki raskazvaŭ pra «pamiać žanočych pałavych hub»4
Kamientary