Zhurtavańnie biełarusaŭ śvietu «Baćkaŭščyna» i Tavarystva biełaruskaj movy imia Franciška Skaryny raspačynajuć 14 kastryčnika kampaniju pa zbory podpisaŭ za abviaščeńnie nastupnaha hoda Hodam rodnaj movy.
Zhurtavańnie biełarusaŭ śvietu «Baćkaŭščyna» i Tavarystva biełaruskaj movy imia Franciška Skaryny raspačynajuć 14 kastryčnika kampaniju pa zbory podpisaŭ za abviaščeńnie nastupnaha hoda Hodam rodnaj movy.
Hetaja inicyjatyva była ahučana na V Źjeździe biełarusaŭ śvietu, što prajšoŭ 18—19 lipienia ŭ Minsku, i padtrymana Radaj Tavarystva biełaruskaj movy. I «Baćkaŭščyna», i TBM užo nakiravali zvaroty da kiraŭnika dziaržavy z tym, kab byŭ vydadzieny adpaviedny ŭkaz. Ciapier «Baćkaŭščyna» i TBM zaklikajuć hramadzian Biełarusi padtrymać hetuju inicyjatyvu.
«Jak vynik, abviaščeńnie nastupnaha hoda Hodam rodnaj movy musić paciahnuć za saboj raspracoŭku i realizacyju na dziaržaŭnym uzroŭni kankretnych zachadaŭ pa papularyzacyi biełaruskaj movy i biełaruskamoŭnaj kultury ŭ hramadstvie, pašyreńnie śfiery jaje ŭžytku», ‑‑ havorycca ŭ zvarocie.
«Rodnaja mova jość najvialikšym bahaćciem, dadzienym kožnaj nacyi, sa źniknieńniem jakoha samo isnavańnie peŭnaha naroda i stvoranaj im dziaržavy, jaho ŭnikalny charaktar, toje, što robić jaho adroznym ad inšych narodaŭ śvietu, stavicca pad pahrozu. Siońniašni stan biełaruskaj movy vyklikaje vialikuju zaniepakojenaść. Dastatkova tolki ŭzhadać, što na pačatku hoda JUNIESKA adniesła biełaruskuju movu da movaŭ, jakim pahražaje źniknieńnie».
Uličvajučy, što 2009 hod byŭ abvieščany hodam Rodnaj ziamli, całkam łahičnym i paśladoŭnym padajecca abviaščeńnie nastupnaha hoda Hodam rodnaj movy. Tym bolš, što mienavita z 2010 hoda ŭvodzicca ŭ dziejańnie novaja redakcyja pravił biełaruskaha pravapisu, što nie rabiłasia ad 1959 hoda.
Usich, kamu nieabyjakavy los rodnaj movy, zaprašajem dałučycca da kampanii pa zbory podpisaŭ. Spampujcie padpisnyja listy na sajcie zbsb.org, budzma.org, tbm.org.by i raspaŭsiudźcie siarod Vašych znajomych. Padpisanyja listy prosim dasyłać samim pa ŭkazanym u liście adrasie.
Na pratestancki fiestyval u «Čyžoŭku-Arenu» jedzie amierykanski prapaviednik Franklin Hrem. Razam ź im čakajuć Koŭła z žonkaj14
Kamientary