«Pierakreślena 12 hadoŭ sumlennaj pracy» — hiendyrektarka «Doždia» prakamientavała zvalnieńnie televiadučaha
Hienieralny dyrektar telekanała «Dožd́» Natalla Sindziejeva zapisała videazvarot u suviazi ź niadaŭnim zvalnieńniem z telekanała viadučaha Alaksieja Karaścialova, piša Bi-bi-si.
Karaścialova zvolnili paśla taho, jak jon, zaklikajučy hledačoŭ pisać ab parušeńniach pry mabilizacyi, dadaŭ: «My spadziajomsia, što mnohim vajskoŭcam u tym liku my zmahli dapamahčy, naprykład, z abstalavańniem i prosta z elemientarnymi vyhodami na froncie».
Sindziejeva ŭ telezvarocie vybačyłasia ad imia kanała «pierad usimi, kaho ŭviała ŭ zman fraza Alaksieja Karaścialova».
«Mnohija zrazumieli słovy Lošy, jak byccam «Dožd́» zajmajecca dapamohaj Uzbrojenym siłam Rasii. Ale heta niapraŭda. Lošava fraza była pamyłkaj. Ale košt hetaj pamyłki zanadta vysoki dla ŭsich nas», — adznačyła Sindziejeva.
Rašeńnie ab zvalnieńni Karaścialova, jakoje niekatoryja paličyli praźmierna strohim, pa jaje słovach, prymałasia «pad łavinaj mierkavańniaŭ, pad pahrozaj pazbavicca licenzii, pad pahrozaj być vysłanymi z Łatvii», adkul «Dožd́» pačaŭ viaščańnie ŭ lipieni.
«My nie mahli pryniać inšaha rašeńnia, jak by baluča nam nie było ź im rasstavacca», — dadała Sindziejeva.
«Reputacyja, davier hledača zasłuhoŭvajucca kožnym słovam. I tysiačy ludziej i va Ukrainie, i ŭ Rasii, i ŭ śviecie spraviadliva pradjavili nam pretenziju, što adnoj frazaj my faktyčna pierakreślili ŭsiu pracu z 24 lutaha i ŭsie 12 hadoŭ sumlennaj pracy kanała», — skazała Sindziejeva.
«Jak rastłumačyć ukraincam, damy jakich źniščajucca ruskimi bombami, siemji jakich razłučajucca nazaŭždy, ukraincam, jakija zastajucca siońnia bieź ciapła i elektryčnaści, jakija padabrać słovy, kab ludzi, siabroŭ i svajakoŭ jakich zabivajuć i hvałciać rasijskija vajskoŭcy, zrazumieli, što Lošavy słovy byli pamyłkaj, i daravali jamu hetuju čortavu frazu? Ja nie znajšła takich słoŭ», — skazała Sindziejeva.
«My budziem rabić usio, što ŭ našych siłach, kab raskazać praŭdu ab hetaj vajnie i pierš za ŭsio hledačam u Rasii, jakich ułada z dapamohaj represij, cenzury, prapahandy, usimi siłami maksimalna imkniecca zaścierahčy ad hetaj praŭdy», — dadała jana.
Raniej hałoŭny redaktar telekanała Cichan Dziadko prynios prabačeńni, zajaviŭšy, što replika Karaścialova «ŭvodzić u zman hledačoŭ» i «stvaraje adčuvańnie, što «Dožd́» zajmajecca akazańniem dapamohi armii RF».
-
Tramp prymaje vialikuju dozu aśpirynu dla razredžvańnia kryvi. Praz heta ŭ jaho lohka źjaŭlajucca siniaki
-
Kala 40 čałaviek zahinuli, bolš za 100 z traŭmami. Achviary strašnaha pažaru na raskošnym alpijskim kurorcie
-
23‑hadovaha ŭkrainca zatrymali ŭ Varšavie z hłušyłkaj — jon źviarnuŭ na siabie ŭvahu tym, što hadzinami prasiedžvaŭ u kaviarni ŭ aeraporcie
«Zapuskajcie dalej saluty, a ja vykliču milicyju». Biełarusy spračajucca pra zabaronu na fiejervierki2
Kamientary
Sdadut vsiech, i tiebia v svoje vriemia. Za provokacii i razžihanije!