U Viciebsku školnik złamaŭ pazvanok, nosiačy vadu pa zadańni vykładčyka
U Viciebsku vykładčyk hurtka skazaŭ šaścikłaśniku pieranieści 20-litrovuju butlu z vadoj, i heta skončyłasia traŭmaj padletka, paviedamlajuć «Narodnyja naviny Viciebska».
Jak zaśviedčyła pravierka, praviedzienaja Śledčym kamitetam, vykładčyk robatatechniki TAA «Repietytarski centr «100 bałaŭ—Viciebsk» skazaŭ vučniu šostaha kłasa pryvatnaj ustanovy adukacyi «Siaredniaja škoła «Apielsin», jaki zajmajecca ŭ centry, adnieści kanistru z vadoj jomistaściu 20 litraŭ, pry hetym pakłaŭšy butlu na levaje plačo školnika.
Chłopčyk z-za ciažaru hruzu pierakinuŭ kanistru na sahnutyja ŭ łokcievych sustavach ruki, u vyniku čaho, zhodna z zaklučeńniem sudova-miedycynskaj ekśpiertyzy, u dziciaci ŭtvaryŭsia zakryty kampresijna-klinavaty pierałom cieła 6-ha hrudnoha pazvanka pieršaj stupieni kampresii, jaki adnosicca da katehoryi mienš ciažkich cialesnych paškodžańniaŭ.
Paśla hetaha vykładčyk nie pryniaŭ miery dla akazańnia jamu miedycynskaj dapamohi, a adpraviŭ u kłas na zaniatki.
Prakuratura Viciebska paśla vyvučeńnia materyjałaŭ pravierki Viciebskaha haradskoha adździeła Śledčaha kamiteta kvalifikavała dziejańni rabotnika centra pa artykule 155 KK — pryčynieńnie pa nieaściarožnaści mienš ciažkich cialesnych paškodžańniaŭ. Zaviedzienaja kryminalnaja sprava.
Hałoŭnym śpikieram Žanočaha forumu ŭ Minsku stanie rasijski kryndžovy psichołah, jaki raskazvaŭ pra «pamiać žanočych pałavych hub»12
Kamientary