EKA — pracedura darahaja, ale ŭ Biełarusi jość mahčymaść jaje praviadzieńnia na biaspłatnaj asnovie. Chto moža raźličvać na biaspłatnuju sprobu EKA, raźbiralisia «Minsk-Naviny».
— Va ŭsim śviecie pracedura praviadzieńnia EKA vielmi darahaja, bo vysokatechnałahičnaja, — raspaviadaje hałoŭny doktar Haradskoj kliničnaj radzilni №2 Volha Sierada. — Ale ŭ mai 2020 hoda Łukašenkam byŭ padpisany ŭkaz ab sacyjalnaj padtrymcy niekatorych katehoryj hramadzian, u jakim kankretna paznačana, što pary, jakija pakutujuć ad biaspłodździa, jakija majuć pakazańni i nie majuć supraćpakazańniaŭ dla EKA, mohuć raźličvać na adnu biaspłatnuju sprobu.
Abaviazkovyja ŭmovy dla praviadzieńnia biaspłatnaj pracedury:
— abodva pavinny źjaŭlacca hramadzianami Biełarusi;
— uzrost žančyny, jakaja pretenduje na praviadzieńnie EKA, — da 40 hadoŭ.
U krainie stvorany rehijanalnyja kamisii dla adboru par na biaspłatnuju pieršuju sprobu EKA. Zasiadajuć raz na tydzień, časam navat čaściej. Pary nieabchodna źviarnucca ŭ kamisiju z zajavaj u advolnaj formie, padać svaje pašparty, paśviedčańnie ab zaklučeńni šlubu, nakiravańnie na praceduru, vypisku z palikliniki ab pieraniesienych za apošnija piać hadoŭ zachvorvańniach. Pa vynikach praviedzienaj kamisii składajecca śpiecyjalny pratakoł, im vydajecca nakiravańnie na biaspłatnuju sprobu EKA, i jany vybirajuć miedycynskuju ŭstanovu, u jakoj adbudziecca štučnaje apładnieńnie.
— Čarhi ŭ centry niama. Siońnia zasiadaje kamisija — zaŭtra ŭžo pacyjentka moža ŭstupić u pratakoł EKA. I jašče chaču skazać, što kali ahulnasuśvietnyja pakazčyki pośpiechu pracedury EKA składajuć 30-35%, to pa našym Centry hety pakazčyk našmat vyšejšy: bolš za 43%, a ŭ kryapratakołach dachodzić da 60%, — adznačaje Volha Sierada.
Ciapier čytajuć
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać5
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary