Byłyja kazarmy na vulicy Ščorsa ŭ Hrodnie haradskija ŭłady zadumali pieratvaryć u žyłyja damy, piša newgrodno.by. Hetyja budynki byli pabudavanyja bolš za sto hadoŭ tamu. Siońnia ŭ rajonie aktyŭna viadziecca budaŭnictva žyłych damoŭ, i staryja kazarmy vyrašyli prystasavać pad heta ž.
Prajekt rekanstrukucyi i pieraprafilavańnia starych cahlanych budynkaŭ pad žyllo haradskija ŭłady vynieśli na hramadskaje abmierkavańnie i čakajuć vodhukaŭ ad haradžan. Padavać ich treba va ŭpraŭleńnie budaŭnictva, architektury i horadabudaŭnictva Hrodzienskaha harvykankama.
Pierš za ŭsio płanujuć rekanstrujavać dva budynki. Ich pieriepłanirujuć, ucieplać, trochi źmieniać i vonkava. U niekatorych miescach aŭtentyčny cahlany mur zakryvać nie buduć, kab pakazać historyju budynkaŭ.
U adnoj z byłych kazarmaŭ paśla rekanstrukcyi źjaviacca 30 kvater, u druhoj — 44. Kvatery buduć roznyja — i studyi, i dvuch— i trochpakajovyja.
Na adnym z budynkaŭ nadbudujuć mansardu, dzie taksama možna budzie žyć, a na cokalnym paviersie ŭładkujuć haražy.
U dvarach taksama płanujecca stvaryć miescy dla mašyn, buduć tam i hulniavyja placoŭki.
Stali viadomyja padrabiaznaści pra trahiedyju ŭ Połackim manastyry16
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary