«Złujusia na hetaha «zmoŭščyka», ale lublu hetaha chłopca». Žonka Fiaduty atrymała spatkańnie z mužam
Žonka palitźniavolenaha litaraturaznaŭca i palityka Alaksandra Fiaduty Maryna Šybko paśla abviaščeńnia jamu prysudu ŭ 10 hadoŭ źniavoleńnia atrymała prava na spatkańnie z mužam. Heta było ŭpieršyniu za amal 17 miesiacaŭ, uražańni jana vykłała ŭ fejsbuku.
«A ŭ nas novaha toje, što siońnia bačyłasia z AIFam, było spatkańnie praz škło. Nu, pryjšoŭ čas ubačyć «zmoŭščyka» (amal praz 17 miesiacaŭ) nie ŭ kletcy suda, a choć praz škło… Rychtujecca da pierasyłki i kałonii, tamu pastryhsia jašče karaciej. Rešta zuboŭ ŭražvaje, z pałačkaj, ale dosyć badziory i zadavoleny (napeŭna, tamu što siońnia ŭ ich banny dzień).
Čakaje knihi z kramy i dazvołu addać mnie rukapis, bo śledčy tak i nie dazvoliŭ (vielmi doŭha vyvučaje). Usim pieradaŭ pryvitańnie i padziaku tym, chto padtrymaŭ na sudzie, usim pažadaŭ zdaroŭja i voli.
Złujusia na hetaha «zmoŭščyka», ale lublu hetaha chłopca. Daj Boh nam usim siłaŭ», — napisała Maryna Šybko.
Čytajcie taksama:
Fiaduta ŭ apošnim słovie na sudzie: Abvinavaŭca iranizuje, ci nie vysokija matyvy stali pryčynaj maich dziejańniaŭ. Ale, heta tak!
Historyk Paškievič: Fiaduta viedaje, što takoje miesca ŭ historyi, i dumaje pra jaho navat za kratami
Ciapier čytajuć
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 2026
Kamientary