I śmiech i hrech. Ninie Bahinskaj zabaranili hulać u azartnyja hulni
75-hadovaj Ninie Bahinskaj zabaranili vyjazdžać ź Biełarusi, naviedvać kazino, a taksama hulać u azartnyja hulni, paviedamlajuć pravaabaroncy.
U sudzie Pieršamajskaha rajona Minska adbyŭsia jašče adzin praces u dačynieńni da 75-hadovaj aktyvistki Niny Bahinskaj pa pytańniach zabieśpiačeńnia vykanańnia vykanaŭčaha dakumienta. U krasaviku joj pryznačyli 1600 rubloŭ štrafu za toje, što jana vyjšła sa ściaham u centr Minska na Dzień Voli.
Štraf Bahinskaja apłočvać nie stała, tamu ŭ dačynieńni da jaje byli nakładzienyja abmiežavańni — 8 žniŭnia namieśnica staršyni adździeła prymusovaha vykanańnia Pieršamajskaha rajona Minska Sarančuk zabaraniła Bahinskaj palavać, kiravać mašynaj i małamiernymi sudami, a apierataram suviazi pradastaŭlać aktyvistcy pasłuhi interneta, mabilnaj suviazi i telebačańnia.
Ale hetaha padałosia mała, tamu adździeł prymusovaha vykanańnia Pieršamajskaha rajona Minska źviarnuŭsia ŭ sud. U vyniku sudździa Volha Čarnikovič zabaraniła aktyvistcy vyjazdžać ź Biełarusi, naviedvać ihralnyja ustanovy, a taksama hulać u azartnyja hulni.
-
Łukašenka — Bastrykinu: My prytrymlivajemsia adnoj linii, adnoj pazicyi
-
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii
-
Mieniedžara z chołdynha «Amkador» asudzili za «sadziejničańnie ekstremizmu»
Ciapier čytajuć
«Ja taja samaja ŭ futry». Maładaja švačka pracavała ŭ futry, pakul dziaržTB raskazvała, što na fabrycy ŭ Žłobinie nie choładna10
Kamientary