Chacieli b stać bolš ščodrym i pryjemnym čałaviekam? Pačnicie z naležnaha režymu dnia, rajać navukoŭcy.
Niedachop snu moža pavysić ryzyku depresii, chvarob serca i dyjabietu, a taksama pieraškodzić pachudzieńniu. Ale i heta nie ŭsio: zvyčka zanadta mała spać moža zakranuć adnosiny čałavieka ź inšymi i ŭvohule jaho miesca ŭ hramadstvie, piša The Times.
Vučonyja z Kalifarnijskaha ŭniviersiteta ŭ amierykanskim Bierkli vyvučyli, jak niedasyp upłyvaje na stan mozhu čałavieka i na žadańnie ludziej dapamahać inšym. Jany apytali ŭdzielnikaŭ ekśpierymientu, prasačyli za ich snom i praanalizavali pracu ich hałaŭnoha mozha, u vyniku čaho vyśvietlili: navat adnaho vypadku niedasypu dastatkova, kab pazbavić čałavieka žadańnia dapamahać inšym. Sprava ŭ tym, što stomlenaść deaktyvuje tuju častku našaha mozha, jakaja robić nas bolš sacyjalnymi.
Adpaviedna, niekalki načej drennaha snu jašče bolš panižajuć žadańnie dapamahać inšym. Heta datyčycca lubych vidaŭ dapamohi: vy možacie achviaravać hrošy na dabračynnaść, prytrymlivać dźviery, kab paśpieŭ prajści čałaviek za vami, vałanciorstvavać ci dapamahać ludziam pa-inšamu, ale ž niedasyp pastavić usio heta pad pahrozu.
Navukoŭcy taksama praanalizavali toje, jak upłyvaje na kolkaść dabračynnych achviaravańniaŭ siezonny pieravod hadzińnikaŭ u ZŠA, jaki pryvodzić da taho, što ŭ noč źmieny času ludzi śpiać na hadzinu mienš. Pa danych z 2001 pa 2016 hady kolkaść achviaravańniaŭ na tydni paśla pieravodu hadzińnikaŭ padaje na 10%.
Brytanskija daktary zamianili leki ad biassońnicy niečym lepšym
Jak chutka zasnuć, kali vam treba rana ŭstavać
Nijakaj biassońnicy: prapanujem mietad, ź jakim vy možacie zasnuć za chvilinu
-
Žanočy ałkahalizm: čym jon roźnicca ad mužčynskaha i jak da takich žančyn stavicca?
-
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?
-
Rak moža być zaraznym? Navukoŭcy vyjavili čaćviorty taki vypadak
U Biełarusi znajšli kopiju šviejcarskich Alpaŭ — ale turystaŭ tam nie čakajuć2
Kamientary