Pamior vilejski piśmieńnik i žurnalist Barys Mancevič. Jon pražyŭ 89 hadoŭ.
Barysa Fłoraviča nie stała siońnia nočču, piša «Rehijanalnaja hazieta».
Jon naradziŭsia na Miorščynie ŭ 1933 hodzie ŭ siamji sielskich nastaŭnikaŭ. Baćku, Fłora Danataviča, niemcy rasstralali ŭ 1941 hodzie. Kali nad siamjoj navisła pahroza śmierci, 2 vieraśnia 1943 hoda partyzany zabrali chłopčyka da siabie ŭ bryhadu. A ŭ krasaviku 1944 hoda adpravili ŭ tył.
Pra svoj los u hady Druhoj suśvietnaj Barys Mancevič raskaža paśla ŭ aŭtabijahrafičnaj knizie »Skryžali majho malenstva: vajennyja ŭspaminy chłopčyka ź Miorščyny».
U 1957 hodzie skončyŭ adździaleńnie žurnalistyki ŭ BDU. Pracavaŭ u vilejskaj i biarezinskaj rajonnych hazietach. Aŭtar niekalkich knih.
Na fota z sajta vilejskaj rajonnaj biblijateki — Barys Mancevič padčas prezientacyi svajoj knihi «Daroha ŭ žurnalistyku».
Kamientary