Pieršaje paŭhodździe 2022 hoda — rekordnaje pa źbiadnieńni najbahaciejšych ludziej śvietu
U pieršaj pałovie 2022 hoda sukupnyja kapitały 500 najbahaciejšych ludziej śvietu skaracilisia na 1,4 trłn dalaraŭ — i heta maksimum za ŭsiu historyju, piša ahienctva Bloomberg.
Pavodle padlikaŭ ahienctva, za hety čas stvaralnik Facebook Mark Cukierbierh straciŭ $ 65,5 młrd, zasnavalnik Amazon Džef Biezas — $ 63 młrd, zasnavalnik Tesla i SpaceX Iłan Mask — $ 62 młrd, a hiendyrektar Louis Vuitton Moët Hennessy Biernar Arno — $ 49,3 młrd.
Pry hetym im usim udałosia zachavać svaje miescy ŭ hłabalnym rejtynhu miljarderaŭ Bloomberg Billionaires Index. Mask zastaŭsia na pieršym miescy z kapitałam $208 młrd, Biezas — na druhim ($130 młrd), a Arno — na trecim ($129 młrd).
Najbolšyja straty panios zasnavalnik kryptavalutnaj biržy Binance Čanpien Čžaa, jaki zajmaje 190 miesca ŭ rejtynhu miljarderaŭ: jahony majomasny stan z pačatku hoda skaraciŭsia na $85,6 młrd i ciapier aceńvajecca «ŭsiaho» ŭ $ 10,2 młrd.
Rasijskija miljardery z pačatku hoda stracili $36 młrd.
U papiarednija dva hady situacyja była inšaja — kapitały najbahaciejšych ludziej śvietu tolki pavialičvalisia, adznačaje Bloomberg. Ahienctva źviazvaje rost bahaćcia ŭ hety čas ź biesprecedentnymi stymulujučymi mierami ŭradaŭ i centralnych bankaŭ roznych krain na fonie pandemii karanavirusa.
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie5555
Kamientary