KDB unios Siarhieja Cichanoŭskaha i Ihara Łosika ŭ śpis terarystaŭ
«Śpis terarystaŭ» dapoŭnili imionami 23-ch ludziej. Siarod ich Siarhiej Cichanoŭski dy Ihar Łosik.
Siarhiej Cichanoŭski — viadomy błohier, jaki moh stać kankurentam Alaksandra Łukašenki na vybarach 2020 hoda. Paśla jaho aryštu, jaki pravaabaroncy pryznali palityčna matyvavanym, kandydatam u prezidenty stała jaho žonka Śviatłana Cichanoŭskaja i atrymała masavuju padtrymku na vybarach.
Ihar Łosik — błohier, stvaralnik telehram— i tvitar-kanałaŭ «Biełaruś hałaŭnoha mozha».
I adnaho, i druhoha asudzili za «raspalvańnie sacyjalnaj varožaści» i «arhanizacyju masavych biesparadkaŭ» da 18 i 15 hadoŭ turmy adpaviedna. Pravaabaroncy, mižnarodnaja i biełaruskaja hramadskaja dumka interpretavali prysud jak palityčnuju pomstu.
Usiaho ciapier u śpisie 870 čałaviek, vialikuju častku ź ich składajuć palityčnyja praciŭniki Alaksandra Łukašenki i ŭdzielniki ruchu za svabodnyja vybary i adnaŭleńnie kanstytucyjnaj zakonnaści ŭ Biełarusi.
«Błakujuć finansavyja apieracyi». Na što ŭpłyvaje ŭklučeńnie čałavieka ŭ «śpis terarystaŭ»?
-
Ź Biełarusi vysyłajuć bolš za dziesiać polskich śviataroŭ. U Mahilovie ŭžo raźvitalisia z probaščam — i z prajektam novaha kaścioła
-
Staruju kamianicu kala ratušy ŭ Mahilovie rychtavali dla haradskoha muzieja. Ciapier tam robiać ofis rasijskaha pasolstva na čale z byłym ministram «ŁNR»
-
Arhanizatary biełaruskaha TEDx u Varšavie dahetul nie atrymali hrošy za pradadzienyja kvitki — kampanija biełarusa zatrymlivaje ich užo 4 miesiacy
Kamientary