Zrabili heta pradstaŭniki miascovych ŭładaŭ.
U čaćvier pradstaŭniki ŭładaŭ źniščyli try kryžy na miescy rasstrełu kiraŭnika paślavajennaha antykamunistyčnaha padpolla na Smarhonščynie i Miadzielščynie Raścisłava Łapickaha – paviedamlaje sajt Vialejka.org.
Kryžy byli ŭstanoŭlenyja 1 vieraśnia, a 9 vieraśnia, u sieradu, aśviečanyja. Da taho, jak hramadzkija aktyvisty pastavili kryžy, na miescy rasstrełu Raścisłava Łapickaha stajaŭ pamiatny kamień, ale jon taksama byŭ źniščany.
U časie ŭstanoŭki kryžoŭ staršynia Vilejskaj supołki Partyi BNF i redaktar haziety «Vołat» Alaksiej Siudak pradbačyŭ, što kryžy mohuć źniščyć. Jon abiacaŭ, što aktyvisty buduć ich adnaŭlać štorazu, jak heta rabili litoŭcy na Hary kryžoŭ.
Pomnik Łapickamu zburyli sioleta pierad Radaŭnicaj, potajki.
Nadpis na kamieni kazaŭ: «U hetym miescy rastralany RAŚCISŁAŬ ŁAPICKI (I.ICH.1928 — 28.Ch.1950), Zmahar za niezaležnaść Biełarusi». Vałun stajaŭ na bietonnaj padušcy, byŭ vahoju niekalki ton, kamień złučany ź bietonam mietaličnymi prutami.
U 1948-1949 hadach Łapicki ź siabrami stvaryli antysavieckuju padpolnuju arhanizacyju, jakaja raspaŭsiudžvała ŭlotki. Jana pratrymałasia niekalki hadoŭ, pakul na jaje śled nie vyjšli savieckija śpiecsłužby. U 1950 hodzie hrupa była raskrytaja. Dopyty, katavańni — i prysud. Hrupa staviła svajoj zadačaj dabicca niezaležnaści Biełarusi, što razhladałasia savieckim režymam jak asablivaje złačynstva. Udzielnikaŭ adpravili hnić u kancłahiery, a kiraŭniki — Raścisłaŭ Łapicki dy Fakunda Nieściarovič — byli asudžanyja na rasstreł. Nieściarovič napisaŭ prašeńnie ab pamiłavańni, i rasstreł jamu zamianili źniavoleńniem. Raścisłaŭ pisać prašeńnie admoviŭsia. Jaho rasstralali va ŭročyščy Krasny Bieražok la Vilejki. Było jamu tady 22 hady.
U Miensku jašče žyvie rodnaja siastra Łapickaha Volha, u Kasucie zachavałasia chatka Łapickich. Bolš pra Raścisłava Łapickaha ŭ knizie: Michaś Čarniaŭski. Jak pošuh małanki. — Minsk: Technałohija, 2006.
Stali viadomyja padrabiaznaści pra trahiedyju ŭ Połackim manastyry16
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary