«Ja liču, što Kijeŭ abo luby inšy biaśpiečny ŭkrainski horad byŭ by fantastyčnym miescam dla jaho praviadzieńnia», — miarkuje brytanski premjer.
«Ukraina moža i pavinna pryniać konkurs pieśni «Jeŭrabačańnie 2023», zajaviŭ u subotu premjer-ministr Vialikabrytanii Borys Džonsan paśla taho, jak arhanizatary abjavili, što viaduć pieramovy ab praviadzieńni konkursu ŭ Vialikabrytanii z-za vajny.
Choć šmathadovaja tradycyja dyktuje, što pieramožca konkursu budzie prymać jaho ŭ nastupnym hodzie, arhanizatary zajavili, što harantyi biaśpieki, nieabchodnyja dla praviadzieńnia konkursu va Ukrainie, aznačajuć, što pieramovy buduć praviedzieny ź Vialikabrytanijaj.
«Viadoma, ja b chacieŭ, kab heta było ŭ hetaj krainie, ale fakt u tym, što jany vyjhrali, i jany zasłuhoŭvajuć hetaha, i ja vieru, što jany mohuć heta zrabić, i ja liču, što jany pavinny heta atrymać», — skazaŭ Džonsan žurnalistam pa viartańni ŭ Vialikabrytaniju paśla vizitu ŭ Kijeŭ.
Jon dadaŭ, što konkurs možna pravieści ŭ lubym biaśpiečnym horadzie Ukrainy.
«Ja liču, što Kijeŭ abo luby inšy biaśpiečny ŭkrainski horad byŭ by fantastyčnym miescam dla jaho praviadzieńnia.Da jaho jašče hod, usio budzie dobra da taho času, kali projdzie piesienny konkurs Jeŭrabačańnie, i ja spadziajusia, što ŭkraincy heta zrazumiejuć», — adznačyŭ brytanski premjer.
Ciapier čytajuć
Vital z-pad Vilejki, jaki padpaliŭ chatu z ułasnymi dziećmi, zavierbavaŭsia ŭ rasijskaje vojska. I prapaŭ na pieršym ža bajavym zadańni5
Kamientary