Pra heta jon zajaviŭ padčas sustrečy sa staršynioj Abjadnanaj hramadzianskaj partyi Anatolem Labiedźkam, eks‑kandydatam u prezidenty Biełarusi Alaksandram Kazulinym i aktyvistam demakratyčnaha ruchu Andrejem Kimam.
Ministr zamiežnych spraŭ Słavakii Mirasłaŭ Łajčak ličyć, što dyjałoh Jeŭrasajuza i Biełarusi idzie na ŭmovach Minska. Pra heta jon zajaviŭ padčas sustrečy sa staršynioj Abjadnanaj hramadzianskaj partyi Anatolem Labiedźkam, eks‑kandydatam u prezidenty Biełarusi Alaksandram Kazulinym i aktyvistam demakratyčnaha ruchu Andrejem Kimam.
Jak paviedamiŭ Anatol Labiedźka, padčas sustrečy abmiarkoŭvałasia situacyja ŭ Biełarusi i raźvićcio adnosin pamiž respublikaj i Jeŭrasajuzam.
«Łajčak skazaŭ, što dyjałoh pamiž Brusielem i Minskam zaraz idzie na ŭmovach Łukašenki, i ŭ hetym jon bačyć niedachop. Słaby Łukašenka vyznačaje farmat i paradak dnia dyjałohu z palityčna i ekanamična mocnym Brusielem», — adznačyŭ Labiedźka.
Pavodle jaho słoŭ, Łajčak taksama padkreśliŭ, što źmieny, jakija adbyvajucca ŭ Biełarusi, «nosiać kaśmietyčny charaktar». «Jon vystupiŭ za toje, kab u Biełarusi pačali adbyvacca niezvarotnyja źmianieńni», — padkreśliŭ Labiedźka.
Lider AHP adznačyŭ, što Łajčaku byli pieradadzienyja prapanovy Abjadnanych demakratyčnych sił pa narmalizacyi adnosin pamiž Biełaruśsiu i ES, a taksama «darožnaja karta» pa ŭstupleńni Biełarusi ŭ Saviet Jeŭropy.
«Łajčak skazaŭ, što jamu było važna pierad sustrečami z pradstaŭnikami ŭłady daviedacca pra našu pazicyju. Vyniki svajho vizitu ŭ Biełaruś jon płanuje abmierkavać i na sustrečy ź ministram zamiežnych spraŭ Šviecyi, što staršynstvuje ŭ ES, Karłam Biltam, jakaja zapłanavana na 14 vieraśnia», — skazaŭ Labiedźka.
Ministr zamiežnych spraŭ Słavakii prybyŭ u Minsk ź vizitam 6 vieraśnia. Na siońnia zapłanavanaja jaho sustreča z prezidentam Alaksandram Łukašenkam, a taksama ministram zamiežnych spraŭ Siarhiejem Martynavym. 7 vieraśnia ŭ Minsku adbuducca Biełaruska‑słavacki dziełavy forum i kantaktna‑kaapieracyjnaja birža.
Ciapier čytajuć
U rasijskaj armii biełaruskaha najomnika paviesili na drevie ŭniz hałavoj i bili pałkaj pa hienitalijach14
Kamientary