Aktyvista BSDP Ivana Saucina znoŭ zatrymali i źmiaścili ŭ SIZA ŭ Kalininhradzie
Aktyvista Biełaruskaj sacyjał-demakratyčnaj partyi (Hramada) Ivana Saucina zatrymali 28 maja i źmiaścili ŭ SIZA ŭ Kalininhradzie, paviedamlaje Maskoŭskaja Chielsinskaja hrupa.
Pravaabaroncy pisali, što da Saucina «ŭłamiłasia FSB». Pierad zatrymańniem jon zapisaŭ videa i raskazaŭ, što da jaho «pryjechali palicejskija ŭ składzie kryminalnaha vyšuku».
Pavodle infarmacyi Maskoŭskaj Chielsinskaj hrupy, Saucina źmiaścili ŭ SIZA «dla vykanańnia rašeńnia ab vydačy», nasupierak pradpisańniam Jeŭrapiejskaha suda pa pravach čałavieka, jaki zabaraniŭ rasijskim uładam vydaču aktyvista ŭ Biełaruś.
28 krasavika Saucina vyzvalili ź SIZA ŭ Kalininhradzie pad padpisku ab niavyjeździe. Pierad hetym jon znachodziŭsia ŭ SIZA hod, čakajučy ekstradycyi. Pavodle infarmacyi adnapartyjcaŭ, Saucin prachodziŭ pa čatyroch artykułach Kryminalnaha kodeksa. Kankretnyja numary artykułaŭ nie ŭdakładnialisia, ale try ź ich byli nibyta źniatyja ŭ vyniku pravierki rasijskim bokam.
Jak akazałasia, dla Saucina pieradyška stała tolki časovaj. Sučasnaja rasijskaja sistema nastrojenaja na toje, kab vydavać usich zatrymanych u Rasii biełaruskich palitviaźniaŭ Łukašenku, i zboi ŭ joj kali i zdarajucca, to tolki časovyja.
Čytajcie taksama:
Biełaruski sacyjał-demakrat vyzvaleny z kalininhradskaj turmy. Łukašenku jaho nie vydali
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie28
Kamientary