Ukrainskaja raźviedka: Rasija vykarystała 60% zapasaŭ vysokadakładnaj zbroi
Pieršyja dva miesiacy poŭnamaštabnaha ŭvarvańnia rakietnyja abstreły Rasii byli chaatyčnymi. Ale z časam situacyja źmianiłasia. Rasijskija vojski vyčerpvajuć zapasy vysokadakładnaj zbroi. Pra heta ŭ efiry prajekta Radyjo Svaboda «Krym.Realii» zajaviŭ pradstaŭnik Hałoŭnaha ŭpraŭleńnia raźviedki Ministerstva abarony Ukrainy Vadzim Skibicki.
«Pa našych źviestkach, kali kazać pra vysokadakładnuju zbroju, to vykarystana ŭžo kala 60 pracentaŭ zapasaŭ. Pa niekatorych vidach navat i bolš — 70%. Jość adpaviednyja narmatyŭnyja patrabavańni pa tym parohavym uzroŭni, jaki nieabchodna trymać u vojskach, i pa tym ža samym «Iskandery» hety parohavy ŭzrovień amal nastupiŭ», — adznačyŭ Vadzim Skibicki.
U toj ža čas Rasija nie moža papaŭniać zapasy hetak ža sama chutka, jak Saviecki Sajuz, dadaŭ pradstaŭnik HUR Ministerstva abarony Ukrainy.
«Jany nie majuć takich mahutnaściaŭ i chutkaj vytvorčaści vysokadakładnaj zbroi, tym bolš što ekanamičnyja sankcyi, palityčnyja sankcyi, nakładzienyja na RF, nie dazvalajuć ciapier aktyŭna, šyrokamaštabna vykarystoŭvać kampanienty zamiežnaj vytvorčaści.
Jany źmianili taktyku prymianieńnia takoha ŭzbrajeńnia. Kali raniej pa abjekcie zapuskalisia dźvie ci čatyry rakiety, to ciapier vyrazna vybirajecca abjekt, meta, heta ad 8 da 12 rakiet roznaha farmatu. Abo balistyčnyja, abo kryłatyja rakiety naziemnaha abo marskoha, pavietranaha bazavańnia, dla taho, kab być hatovym patrapić pa hetaj celi.
My bačym źmieny, i my razumiejem, što resurs vysokadakładnaha ŭzbrajeńnia, vysokadakładnych bojeprypasaŭ u RF na limitnym uzroŭni», — padsumavaŭ pradstaŭnik vajskovaj raźviedki Ukrainy.
Ciapier čytajuć
Stali viadomyja padrabiaznaści pra trahiedyju ŭ Połackim manastyry16
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary