Maci Iłana Maska ŭražvaje śviet nie mienš za syna. «Jana — siła, jakuju nie strymać»
Pra Iłana Maska ŭ apošni čas niamała pisali ŭ suviazi ź jaho žadańniem nabyć Twitter. Ale ciapier uvahu miedyja skrała 74-hadovaja matula biznesmiena Mej Mask, jakaja stała najstarejšaj žančynaj u kupalniku na vokładcy viadomaha vydańnia Sports Illustrated.
Akramia Mej Mask, dla spartovaha hlanca Sports Illustrated u kupalnikach źnialisia taksama telezorka Kim Kardašjan, śpiavačka Sjara i muzykant Jumi Nu, piša CNN.
Časopis vypuściŭ rolik, u jakim Mej sa śmiecham prakamientavała svoj udzieł u zdymkach: «Kali b ja padumała, što budu paziravać u kupalniku dla Sports Illustrated, ludzi začynili b mianie jak zvarjaciełuju. I ciapier — voś ja».
Mej Mask taksama dadała, što jana «vielmi rada tamu, što daje ludziam pabačyć: žančyny za 70 — cudoŭnyja». Jana paziravała dla vokładki na plažach u Bielizie, dzie prymierała niekalki kupalnikaŭ u roznych kolerach.
Toska Mask, dačka Mej i paŭdniovaafrykanskaja režysiorka, napisała dla časopisa kałonku pra svaju maci. Zhodna ź joj, za ŭsio svajo žyćcio Mej «atrymała dźvie stupieni mahistra ŭ śfiery navuk ab charčavańni, zdabyła ŭznaharody ŭ halinie dyjetałohii, udzielničała ŭ nieźličonych modnych pakazach i artykułach u miedyja i navat źniałasia ŭ miedyja Biejonse». «Jana — siła, jakuju nie strymać, i jana samaja biasstrašnaja žančyna, jakuju ja viedaju», — piša pra svaju maci Toska.
Emdžej Dej, hałoŭny redaktar śpiecvypusku Sports Illustrated Swimsuit, farmuluje metu novaha vypusku tak: «My zaklikajem čytačoŭ bačyć hetych madelaŭ takimi, jakimi my ich bačym: šmathrannymi, talenavitymi i pry hetym seksualnymi. Śviet moža paznačać ich adnym čynam, ale my chočam zasiarodzić naš abjektyŭ na tym, jak jany bačać siabie i jak jany vałodajuć svajoj sutnaściu».
Kim Kardašjan paśla razvodu praciahvaje pravakavać
Ciapier čytajuć
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy71
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi3
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca1414
Kamientary