Pazicyja Rasii z nahody žadańnia Kijeva ŭstupić u Jeŭrasajuz źmianiłasia, ciapier jana padobnaja da pazicyi pa ŭstupleńni Ukrainy ŭ NATA. Pra heta zajaviŭ namieśnik pastajannaha pradstaŭnika Rasii pry AAN Dźmitryj Palanski ŭ intervju vydańniu UnHerd.
U adkaz na pytańnie žurnalista ab pazicyi Rasii pa ŭstupleńni Ukrainy ŭ ES Palanski skazaŭ, što jaje pazicyja źmianiłasia paśla zajavy kiraŭnika jeŭrapiejskaj dypłamatyi Žazepa Barela ab tym, što «hetaja vajna pavinna być vyjhranaja na palach bitvaŭ».
Pa słovach Palanskaha, pazicyja Rasii pa Ukrainie taksama źviedała źmieny paśla pavieličeńnia pastavak zbroi z boku ES, jaki «zrabiŭsia bolš padobnym da NATA».
Ukraina aficyjna padała zajaŭku na ŭstupleńnie ŭ Jeŭrasajuz 28 lutaha. Ministr zamiežnych spraŭ Ukrainy Dźmitryj Kuleba ŭ intervju Financial Times 10 maja skazaŭ, što jahonaja kraina raźličvaje atrymać status kandydata na ŭstupleńnie ŭ Jeŭraźviaz užo ŭ červieni. Dla hetaha ŭsie 27 dziaržaŭ-členaŭ Sajuza pavinny dać na heta svaju zhodu.
-
Tramp prymaje vialikuju dozu aśpirynu dla razredžvańnia kryvi. Praz heta ŭ jaho lohka źjaŭlajucca siniaki
-
Kala 40 čałaviek zahinuli, bolš za 100 z traŭmami. Achviary strašnaha pažaru na raskošnym alpijskim kurorcie
-
23‑hadovaha ŭkrainca zatrymali ŭ Varšavie z hłušyłkaj — jon źviarnuŭ na siabie ŭvahu tym, što hadzinami prasiedžvaŭ u kaviarni ŭ aeraporcie
«Zapuskajcie dalej saluty, a ja vykliču milicyju». Biełarusy spračajucca pra zabaronu na fiejervierki2
Kamientary