«Kurs biełaruskaha rubla budzie paŭtarać dynamiku kursa rasijskaha»
Nie varta čakać rezkaha padzieńnia biełaruskaha rubla ŭ isnujučych umovach. Lubyja istotnyja ruchi ŭ kursie buduć źviazanyja z kursam rasijskaha rubla, jaki, u svaju čarhu, budzie zaležać u asnoŭnym ad abjomu ekspartu RF i cen na syravinu ŭ śviecie, ličyć ekanamist Sierž Naŭrocki.
«Jość padstavy śćviardžać, što rost kursa biełaruskaha rubla byŭ nie vypadkovy i nie tolki z-za apieracyj NBRB, a jaho siońniašni kurs blizki da rynkavaj vartaści», — kaža Naŭrocki.
Jon bačyć try klučavyja pryčyny ŭmacavańnia rubla pa-za apieracyjami NBRB.
Pieršaja — viartańnie kursu rasijskaha rubla da ŭzroŭniu, jaki byŭ pierad pačatkam vajny. Paśla ŭviadzieńnia istotnych sankcyj suprać RF ekanamičnaje raźvićcio Biełarusi jašče bolš stała karelavać z ekanomikaj RF, bo i sami sankcyi, i ich dziejańnie na dźvie haspadarki vielmi padobnyja.
Prostymi słovami: rost ekanomiki Biełarusi budzie paŭtarać rost ekanomiki RF, ruchi kursu biełaruskaha rubla buduć paŭtarać ruchi kursu rasijskaha. Rasijski CB maje značna bolej mahčymaściaŭ padtrymki kursa svajho rubla, pry hetym jon uvioŭ surjoznyja rynkavyja abmiežavańni, kab viarnuć kurs na davajenny ŭzrovień. Takim čynam, NBRB bieź vielizarnych apieracyj pa padtrymcy biełaruskaha rubla karystajecca vynikami pracy CBRF.
Druhaja — rost cen na syravinu i pradukty charčavańnia ŭ śviecie. Vajna va Ukrainie pryviała da rostu cen na syravinu i pradukty ŭ śviecie. Treba pamiatać, što rost cen pačaŭsia ŭ 2021 hodzie ŭ vyniku adnaŭleńnia mižnarodnaj haspadarki paśla nastupstvaŭ covid-19. Navat biez vajny va Ukrainie ekanamisty prahnazavali ŭtrymańnie cen na syravinu i charčavańnie na ŭzroŭni 2021 hoda. A vajskovyja dziejańni ŭ bahatym syravinaj i važnym dla ekspartu charčavańnia rehijonie zaŭsiody vyklikajuć rost cen na syravinu i pradukty ŭ śviecie.
Pry hetym haspadarki RF i RB zaŭsiody mieli pramuju zaležnaść ad cen na syravinu ŭ śviecie: čym vyšejšaja cana na naftu, uhnajeńni, mietały i charčavańnie, tym bolšy ich ekspart, i chutčej raście haspadarka.
Treciaja pryčyna — u Biełarusi padčas finansavaj paniki niemahčymy vialiki adtok kapitału. Kurs rubla rezka padaŭ, kali ludzi chacieli pieravieści svaje rubli ŭ valutu, a jurasoby pradavali rublovyja aktyvy i vyvodzili ŭsie valutnyja aktyvy ź Biełarusi. Z-za nieraźvitaści biełaruskaha finansavaha rynku (adsutnaści vialikich finansavych pasiarednikaŭ akramia bankaŭ — piensijnych ci inviestycyjnych fondaŭ), a taksama z-za adnosna małych abjomaŭ vypusku dziaržablihacyj u biełaruskich rublach, zamiežnyja finansavyja inviestary nie prysutnyja ŭ Biełarusi, i nie stvarajuć cisk na kurs biełaruskaha rubla.
Pry hetym pramym zamiežnym inviestaram (tym, chto ŭkładvaŭ svaje hrošy ŭ vytvorčaść ci piersanał u Biełarusi) urad abmiežavaŭ mahčymaść vyvadu kapitału z krainy. Tamu ciapier asnoŭnym faktaram niestabilnaści dla kursa rubla ŭnutry krainy źjaŭlajecca ŭ asnoŭnym popyt na valutu z boku biełaruskaha nasielnictva.
Adkryćcio miežaŭ u hetym sensie moža stvaryć dadatkovy popyt na valutu na ŭnutranym rynku, ale naŭrad ci jon budzie krytyčnym dla abvału rubla, taki popyt biez prablem zbałansuje NBRB sa svaich reziervaŭ.
Dalar kaštuje tańniej, čym da vajny. Jak tak?
Ciapier čytajuć
Siłaviki zavitvajuć da biełarusaŭ, jakich užo nie mohuć pryciahnuć pa kryminałcy za ŭdzieł u maršach, z maski-šou — dla prafiłaktyki7
Siłaviki zavitvajuć da biełarusaŭ, jakich užo nie mohuć pryciahnuć pa kryminałcy za ŭdzieł u maršach, z maski-šou — dla prafiłaktyki
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary