Ci budzie jadziernaja vajna i na što ciapier zdolnaja rasijskaja armija? Prahnoz ad Arastoviča
Daradca kiraŭnika Ofisa prezidenta Ukrainy Alaksiej Arastovič tłumačyć, jak dalej buduć raźvivacca padziei.
«Naš abaviazak — zrabić usio, kab žachi hłabalnaj vajny nie paŭtarylisia», — skazaŭ Pucin na paradzie ŭ Maskvie 9 maja. Što staić za hetymi słovami?
«Pierakładaju z kramloŭskaj na ruskuju. Jadziernaj vajny nie budzie, vajny z NATA nie budzie, — raskazaŭ jon u intervju «FiejhinLIVE». —
Pytańnie: što budzie? Budzie viałaciakučaja sproba vyrašyć try asnoŭnyja zadačy.
Pieršaja — vychad na miežy Łuhanskaj, Danieckaj, Chiersonskaj abłaściej. I dalej sproba ŭtrymańnia hetych miežaŭ šlacham praviadzieńnia schavanaj mabilizacyi, schavanaha źniaćcia techniki z zachoŭvańnia, pierakidki siudy dla stvareńnia hrupoŭki.
Budzie zadača na pieravod baraćby ŭ parter, na stvareńnie situacyi, jakaja była ź leta 2015-ha pa luty 2022-ha — viałaciakučaje stanovišča na froncie, z handlem na pieramovach. Maŭlaŭ, davajcie ŭžo niejkaje pahadnieńnie typu Minsk-3 ci Stambuł-1 zaklučym, dzie nibyta ŭkrainski bok pryznaje realii.
Jany buduć trymać abaronu, kab my razumieli bieśpierśpiektyŭnaść vajennych vysiłkaŭ i pahadzilisia praź źniasilenuju ekanomiku padpisać heta pahadnieńnie. Heta ŭsio, na što ciapier zdolnaja rasijskaja vajennaja mašyna».
Krajni scenar, na dumku Arastoviča, — zamacavańnie Chiersonskaj narodnaj respubliki, pryznańnie «DNR» i «ŁNR» častkaj Rasii.
«Jany buduć hetym pahražać u vypadku, kali pieramovy nie pojduć pa ich scenary», — miarkuje jon.
Pravieści mabilizacyju vajskoŭcy nie zmohuć, aceńvaje situacyju Arastovič.
«Mabilizacyju prasili nie vajennyja. Heta ideja, jakaja łunała ŭ cyvilnym atačeńni Pucina, pakolki vajskoŭcy cudoŭna viedajuć, što ni da jakoj mabilizacyi jany nie hatovyja, nie ŭ stanie jaje zabiaśpiečyć».
Ciapier čytajuć
«Ja jedu natchnicca ŭkraincami». Śviatłana Cichanoŭskaja pačała aficyjny vizit va Ukrainu19
Kamientary