«Jandeks» zaklučyŭ damovu z Kramlom, jakija naviny publikavać u topie — rasśledavańnie «Mieduzy»
U «Jandeksa» jak minimum z 2019 hoda isnavaŭ «bieły śpis» ŚMI, čyje materyjały mahli publikavacca na hałoŭnaj staroncy «Jandieks.Novosti». Jaho zjaŭleńniu papiaredničali šmathadovyja pieramovy z administracyjaj prezidenta, piša «Mieduza» sa spasyłkaj na krynicy ŭ kampanii.
Byłyja i ciapierašnija supracoŭniki «Jandeksa» paćvierdzili vydańniu najaŭnaść «biełaha śpisu» i zajavili, što jon byŭ uviedzieny pa ŭzhadnieńni z Kramlom. Pa danych «Mieduzy», upieršyniu pradstaŭniki administracyi prezidenta pryjšli ŭ kampaniju ŭ 2008 hodzie, nieŭzabavie paśla vajny ŭ Hruzii. Leŭ Hieršenzon, jaki ŭznačalvaŭ tady «Jandeks.Naviny» śćviardžaje, što jamu ŭdałosia «adboŭtacca i adžartavacca» na sustrečy z namieśnikam kiraŭnika AP Uładzisłavam Surkovym i namieśnikam načalnika ŭpraŭleńnia ŭnutranaj palityki Kanstancinam Kościnym, jaki prasiŭ dać dostup da servisu «na vypadak vajny».
Ale z AP viarnulisia ŭ 2014 hodzie. «Ludzi z AP nastojvali, kab my vybirali dla zahałoŭkaŭ maksimum try-piać uchvalenych imi krynic. U vyniku damovilisia ab 15 pazicyjach: uziali top-50 samych cytavanych ŚMI i ź ich uzhadnili paŭtara dziasiatka. Pryčym častka ź ich nie była ŭ pieršaj dvaccatcy, ale padabałasia AP», — raspavioŭ supracoŭnik «Jandeksa», jaki ŭdzielničaŭ u składańni śpisu, adznačyŭšy, što pieramovy išli niekalki hadoŭ, a składzieny pa vynikach śpis damovilisia ŭklučyć «pa nieabchodnaści».
Patrabavańni Kramla znoŭ uklučali «knopku dostupu» da hałoŭnaj staronki, adnak, pa słovach surazmoŭcaŭ «Mieduzy», ad hetaha ŭdałosia admovicca.
U 2016 hodzie kiraŭnictva «Jandeksa» paviedamiła supracoŭnikam, što bolš nie moža adbivacca ad patrabavańniaŭ Kramla.
Na hałoŭnaj staroncy mahli zjaŭlacca materyjały tolki z 15 vydańniaŭ, siarod jakich RIA Novosti, TASS, «Intierfaks», «Rośsijskaja hazieta», «Kommiersant», «Viedomosti«, RBK, Hazieta.ru, RT i «Lenta».
Jašče adzin surazmoŭca nazvaŭ Regnum, «Niezavisimuju hazietu» i «Vzhlad». U Kramli ličyli niełajalnym RBK, ale ich udałosia dadać u śpis.
Uzhadnić uklučeńnie tudy «Novaj haziety» i «Echa Moskvy» nie atrymałasia.
Aficyjna ŭ kampanii zajavili, što top navin farmujecca «całkam aŭtamatyčna z dapamohaj ałharytmu» tolki z aficyjna zarehistravanych ŚMI.
U kancy krasavika «Jandeks» abviaściŭ ab prodažy «Novostiej» i płatformy «Dzen» karparacyi VK. «My stamilisia zmahacca z uładami i chacieli pazbavicca ad taksičnych aktyvaŭ», — raspavioŭ pra rašeńnie adzin z menedžaraŭ «Jandeksa».
«Našu Nivu», jak i inšyja niezaležnyja biełaruskija ŚMI, «Jandeks» vydaliŭ z vydačy paśla pačatku vajny.
Bolš padrabiazna čytajcie na «Mieduzie».
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Ciapier čytajuć
«Łukašenka na minimałkach». «Biełaruski kachanak usiaje Rusi» staŭ kumiram žanočaha tyktoka1
«Łukašenka na minimałkach». «Biełaruski kachanak usiaje Rusi» staŭ kumiram žanočaha tyktoka
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary