U Viciebsku prysudzili da 13 hadoŭ pazbaŭleńnia voli byłoha studenta Eduarda Rabucha. Jaho abvinavačvali ŭ niekalkich złačynstvach suprać pałavoj niedatykalnaści dziaciej adrazu pa 4 artykułach Kryminalnaha kodeksa, pišuć «Narodnyja naviny Viciebska».
Sud Kastryčnickaha rajona Viciebska na zakrytym pasiadžeńni 28 krasavika prysudziŭ maładoha viciablanina da 13 hadoŭ pazbaŭleńnia voli ŭ kałonii asablivaha režymu. Akramia taho, jon pavinien vypłacić štraf u 7400 rubloŭ. Taksama ŭ abvinavačanaha kanfiskavali ŭ dachod dziaržavy mabilny telefon «SAMSUNG Galaxy S20 Ultra 5G» i kampjutar, pryznanyja srodkami ździajśnieńnia złačynstvaŭ.
Pakul prysud nie ŭstupiŭ u zakonnuju siłu i moža być abskardžany dy apratestavany va ŭstanoŭlenym zakonam paradku.
«Narodnyja naviny Viciebska» raniej pisali, što, zhodna z adkrytymi krynicami, padčas svajho žyćcia na voli hety žychar Viciebska byŭ vielmi aktyŭnym u hramadskim žyćci, pra jaho navat niekalki razoŭ pisała hazieta «Biełaruś siehodnia».
Jon udzielničaŭ u prafsajuznym žyćci svajho VNU, vałancioryŭ na «Słavianskim bazary», chadziŭ chrosnymi chadami pa Viciebsku i navat atrymaŭ hramatu na alimpijadzie pa duchoŭna-maralnaj kultury «Ruś Śviataja, zachoŭvaj vieru pravasłaŭnuju».
Śpiavak Dźmitryj Kałdun pakazaŭ svaju minskuju kvateru niedaloka ad Drazdoŭ ŠMAT FOTA15
Kamientary