Zasnavalnik kliniki dla žančyn źbirajecca na Evierest ź jajcakletkami i śpiermatazoidami biełarusaŭ
Andrej Piekuraŭ, adzin z zasnavalnikaŭ sietki klinik repraduktyŭnaha zdaroŭja EVACLINIC, dastavić na Evierest donarskija pałavyja kletki, a taksama zapiski z pažadańniami klijentaŭ.
Andrej Piekuraŭ ciapier znachodzicca ŭ bazavym łahiery Evieresta na vyšyni 5364 mietry, dzie rychtujecca skaryć samuju vysokuju kropku śvietu. Da hetaj padziei ŭ kampanii zapuščany niezvyčajny prajekt — Jeva Galáctica, paviedamlaje marketing.bu.
— Kožny moža pakinuć u EVACLINIC ci na śpiecyjalnym sajcie svaje mary, a Andrej Piekuraŭ dastavić ich na najvyšejšuju kropku płaniety!
I adtul prašepča samomu Suśvietu, kab usie jany spraŭdzilisia! I heta jašče nie ŭsio! Skarać haru Andrej Piekuraŭ budzie ź vielmi važnym i vielmi kaštoŭnym hruzam ad banka donarskich pałavych kletak. Na viaršyniu Evieresta Andrej padymie djuar (śpiecyjalny posud), u jakim u vadkim azocie pry tempieratury minus 196 S zachoŭvajucca kryakansiervavanyja jajcakletki i zarodki, — raspaviali ŭ EVACLINIC.
Navošta heta robicca, nie paviedamlajecca, ale havorycca, što kryjakansiervavanych repraduktyŭnych kletak, ź jakich mohuć naradzicca dzieci, na Eviereście jašče nie było.
Start finalnaha šturmu viaršyni zapłanavany na 18 traŭnia 2022 hoda.
Ciapier čytajuć
23‑hadovy achoŭnik z Astraŭca zahinuŭ za Rasiju na vajnie. Pavajavaŭ jon, vidać, kala miesiaca16
23‑hadovy achoŭnik z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary