Brytanija ŭviała sankcyi suprać svajho hramadzianina Siarhieja Brylova, «Rasii siehodnia» i kiraŭnika «Hazpram-Miedyja»
Vialikabrytanija ŭviała sankcyi suprać televiadučaha, namieśnika hiendyrektara Usierasijskaj dziaržaŭnaj teleradyjokampanii Siarhieja Brylova, vynikaje sa źviestak, ramieščanych na sajcie brytanskaha ŭrada. U Brylova jość brytanskaje hramadzianstva.
Aktyvy Brylova buduć zamarožanyja, paviedamlaje Bi-bi-si.
«Bryloŭ — viadomy viadučy i top-mieniedžar Usierasijskaj dziaržaŭnaj teleradyjokampanii, jakaja naležyć dziaržavie. Jon byŭ aktyŭna ŭklučany ŭ raspaŭsiudžvańnie kramloŭskaj dezinfarmacyi ab rasijskim uvarvańni va Ukrainu, a taksama padtrymlivaŭ rasijskija vajennyja dziejańni, jakija destabilizujuć Ukrainu, pahražajuć jaje terytaryjalnaj cełasnaści, suvierenitetu i niezaležnaści», — havorycca ŭ matyvirovačnaj častcy.
Pad sankcyi trapiła taksama mižnarodnaje infarmacyjnaje ahienctva «Rasija siehodnia» i Anton Anisimaŭ, hałoŭny redaktar «Sputnika». Jaho aktyvy taksama zamaroziać, akramia taho, jamu budzie zabaronieny ŭjezd u Brytaniju.
U abnoŭlenym brytanskim sankcyjnym śpisie i kiraŭnik «Hazpram-Miedyja» Alaksandr Žaraŭ i načalnik Nacyjanalnaha centra kiravańnia abaronaj RF Michaił Mizincaŭ, jaki, pavodle źviestak ŚMI, kiruje abłohaj Maryupala.
Kamientary