Łukašenka: Hety dalar užo pavoli pačynaje prasiadać. Tamu što nikomu nie patrebny
Siońnia Alaksandr Łukašenka raspavioŭ pra sumnyja pierśpiektyvy dalara. Pavodle jaho, amierykanskaja valuta nikomu nie patrebnaja, a zmahacca biełarusy chutka buduć, «kab u kišeni byŭ lišni rasijski rubiel ci juań».
Łukašenka ŭpeŭnieny, što dla hramadzian niama nieabchodnaści «biehać pa «zavuholach, pa zakutkach», kab dzieści abmianiać rubli na dalary.
«Nu, vymianiali, nachapalisia. Ciapier hety dalar ŭžo pavoli pačynaje prasiadać. Bo nikomu nie patrebny. Asabliva ŭ suviazi z hetymi sankcyjami, jakija ŭviedzienyja suprać nas, — zajaviŭ jon. — Napeŭna, budziem chutka zmahacca, kab lišni rasijski rubiel byŭ u kišeni ci juań. Tamu što z hetymi krainami my ŭ asnoŭnym budziem handlavać.
Nahadajem, mnohija biełaruskija banki ŭviali abmiežavańni pa valutnych apieracyjach. Jany zakranuli ŭ tym liku mahčymaść mianiać rubli na zamiežnuju valutu i zdymać najaŭnuju valutu z rachunkaŭ.
Siońnia dalar na biržy ŭ Minsku padaražeŭ na 2,29 kapiejki da 3,3195 biełaruskaha rubla, jeŭra — vyras na 4,89 kapiejki da 3,6670, rasijski rubiel vyras bolš čym na 12 kapiejek da 3,0108 biełaruskaha za 100 adzinak.
Na pačatku hoda kursy valut byli nastupnyja: dalar — 2,5481, jeŭra — 2,8826, rasijski rubiel— 3,4322. Z pačatku 2022-h biełaruski rubiel abiasceniŭsia adnosna dalara na 30 pracentaŭ, da jeŭra — na 27 pracentaŭ.
U Rasii źjaviŭsia čorny rynak valuty
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie28
Kamientary