Premjer Litvy: Niekatoryja ruskamoŭnyja žychary Litvy pačuvajucca «niaŭtulna» paśla rasijskaha ŭvarvańnia va Ukrainu
Premjer-ministr Litvy Inhryda Šymanicie 8 sakavika znoŭ zaklikała suhramadzian nie vinavacić ruskamoŭnych žycharoŭ krainy ŭ tym, što Rasija pačała vajnu va Ukrainie, paviedamlaje Delfi.
Premjer padkreśliła, što ŭžo nie ŭ pieršy raz padymaje hetaje pytańnie.
«Adna tema, da jakoj ja vymušanaja viartacca znoŭ i znoŭ — infarmacyja ab tym, što častka našych suhramadzian pačuvajecca krychu niaŭtulna. Z toj pryčyny, što suprać ich, jak pradstaŭnikoŭ peŭnaj nacyjanalnaści i suprać movy, na jakoj jany razmaŭlajuć, čujucca varožyja repliki abo fiksujucca varožyja dziejańni», — skazała premjer.
Jana jašče raz nahadała, što «Litva zaŭsiody była adkrytaj krainaj».
«U hetaj krainie svajo miesca ŭžo pierš znajšli mnohija pradstaŭniki rasijskaj i biełaruskaj apazicyi, hramadzianskaj supolnaści, pradstaŭniki niezaležnych srodkaŭ masavaj infarmacyi. Hetyja ludzi tut žyvuć, pracujuć, imknucca rabić svaju spravu, vielmi časta razmaŭlajuć pa-rusku «, — zaŭvažyła Šymanicie.
Jana nahadała, što amal usie, «chto jeździŭ u apošni čas da Łukašenki i inšych dyktataraŭ, heta hramadzianie Litvy ź litoŭskimi proźviščami».
«Jašče raz chaču zaklikać našych ludziej, suhramadzian, jak samich zastavacca ludźmi, jakich nielha abvinavacić u ksienafobii, tak i razmaŭlać pra heta sa svaimi dziećmi», — skazała Šymanicie.
Ciapier čytajuć
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami7
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4646
Kamientary