Minabarony ŭ Minsku i rehijonach praviadzie zaniatki i reviziju terytaryjalnych vojskaŭ
Minabarony pravieryć padrychtoŭku i zładžanaść orhanaŭ kiravańnia terytaryjalnaj abarony, praviadzie reviziju zapasaŭ, a taksama nadaść uvahu padrychtoŭcy vajennaabaviazanych. Pra heta havorycca ŭ paviedamleńni viedamstva.
«U adpaviednaści z płanam padrychtoŭki Uzbrojenych sił u 2022 hodzie, z 1 pa 4 sakavika abłasnymi i Minskim haradskim vykanaŭčymi kamitetami pravodziacca štohadovyja zaniatki, nakiravanyja na pavyšeńnie ŭzroŭniu padrychtoŭki i zładžanaści orhanaŭ kiravańnia terytaryjalnaj abarony da farmiravańnia terytaryjalnych vojskaŭ», — havorycca ŭ paviedamleńni Minabarony.
Čatyry dni buduć pravodzicca tearetyčnyja i praktyčnyja mierapryjemstvy sa słužbovymi asobami vykanaŭčych kamitetaŭ i vajennych kamisaryjataŭ, administracyjami punktaŭ pryjomu mabilizacyjnych resursaŭ. Akramia taho, pravierać umovy zachoŭvańnia i najaŭnaść materyjalnych zapasaŭ.
«Vialikaje značeńnie ŭ chodzie pravadzimych mierapryjemstvaŭ nadajecca padrychtoŭcy vajennaabaviazanych, jakim na praciahu adnadzionnaha zboru buduć daviedzienyja asnovy i paradak dziejańniaŭ u chodzie farmiravańnia terytaryjalnych vojskaŭ», — adznačajecca ŭ paviedamleńni Minabarony.
Kamientary