«Imiony pierapisvali ŭručnuju». Pasažyry raskazajuć ab prablemach na čyhuncy
Biełarusy sutykajucca z prablemami pry pasadcy na ciahniki. Źviestki pasažyraŭ pravadniki pierapisvajuć uručnuju, niekatorym vydajuć kvitki, zapoŭnienyja ad ruki.
Žančyna, jakaja jechała siońnia na ciahniku Minsk-Harodnia, raskazała, jak prachodziła pasadka na jaho.
«Pry pasadcy ludziej nie mahli pravieryć pa pašparcie, tamu što ŭ pravadnikoŭ adsutničali elektronnyja śpisy. Kolkaść pasažyraŭ, ich imiony — niedastupnyja.
U mianie elektronny kvitok, mnie pry pasadcy treba tolki pašpart pradjaŭlać. U hety raz ja pakazała, mianie zapisali. Spytali, jakoje ŭ mianie miesca (raniej, da ŭzłomu, mnie samoj jaho nazyvali). Pryjšłosia hladzieć elektronny kvitok i nazvać. Potym užo da mianie padychodzili i pytalisia pra numar kvitka», — raskazała adna z pasažyrak.
Sam ciahnik vyjechaŭ svoječasova.
Pra takija ž prablemy raskazvajuć i pasažyry, jakija jechali ciahnikom na Homiel.
Paviedamlajuć taksama, što nielha apłacić kvitki bankaŭskaj kartkaj.
Na sajcie čyhunki papiaredžvajuć, što pakupka i viartańnie elektronnych kvitkoŭ praź internet časova niedastupnyja «pa techničnych pryčynach». Heta tyčycca ciahnikoŭ z numaravanymi miescami respublikanskich i mižnarodnych maršrutaŭ. Aformić kvitki na ich možna ŭ kasach.
Jak raskazavajuć «Našaj Nivie» ŭ stačkamie, prablema ŭ tym, što praz uzłom paškodžanaja aŭtamatyčnaja sistema kiravańnia «Ekspres», jakaja adkazvaje za kvitki.
Učora byli i inšyja pałomki.
«Nie pracavała dyśpietčarskaja centralizacyja «Nioman». Paŭtary hadziny byli surjoznyja prablemy z rucham — usie jeździli pa telefonnych ukazańniach. Možna skazać, čyhunka pracavała na ručnym kiravańni», — dadajuć stačkamaŭcy.
Nahadajem, 27 lutaha paviedamlałasia pra chakierskuju ataku na Biełaruskuju čyhunku.
«Akcyi ździejśnienyja z salidarnaści z ukrainskim narodam i z metaj akazańnia jamu dapamohi ŭ vajnie suprać rasijskaha ahresara.
U vyniku fizična paškodžanyja pryłady sihnalizacyi, centralizacyi i błakiroŭki, a taksama kantaktnaja sietka. Častka abstalavańnia nie padlahaje adnaŭleńniu. Paralizavany ruch na niekalkich učastkach darohi», — zajaŭlała arhanizacyja byłych siłavikoŭ BYPOL.
-
Kibierpartyzany daviedalisia pra jašče adnaho ahienta KDB, jaki moža być datyčnym da źniknieńnia Mielnikavaj
-
U Homieli piensijanier vysadziŭ u dvary drevy. Ale ich vierchaviny paabłomvała złaja 90-hadovaja susiedka
-
U Biełarusi zabaranili kitajskija telefony. Norma ŭtrymańnia śvincu ŭ ich była pieravyšana ŭ 330 razoŭ
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii12
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie3939
Kamientary